ОЛИЙ ЛИГА-2017 2-ДАВРА (25-ТУРДАН СЎНГ) ЧЕТЛАТИШЛАР БЎЙИЧА МУЛОҲАЗАЛАР

21 октябрь санасида Қўқондаги стадионда 7 мингдан ортиқ мухлис томоша қилган «Қўқон-1912» - «Навбаҳор» баҳсининг 39-дақиқаси ўтиб бораётган бир паллада профессионал футболчиларга ярашмайдиган воқеа рўй берди.

Наманган клуби етакчиларидан бири Ойбек Қиличев аввалига рақиб футболчисини тирсаги билан урди. Натижада учрашув бош ҳаками Ҳасан Рўзиев айбдорга дарҳол қизил карточка кўрсатди.

Аммо Қиличев майдонни тарк этишидан олдин ерда ётган футболчини тепишга ҳаракат қилди. Бу вазиятда уни айнан нима мувозанатдан чиқарганини англаш мушкул.

Айтиш мумкинки, бу Қиличевнинг ушбу мавсумдаги биринчи «қизили» эмас. У 4-тур доирасида 31 мартда «Динамо» - «Навбаҳор» (0:1) учрашувида ҳам ҳакам томонидан четлатилганди. Ўша вазият содир бўлмасидан олдин жиззахлик ярим ҳимоячи гол урганди.

Кейинчалик 11-турда Ойбек Қиличев яна майдонни шерикларидан олдинроқ тарк этди. У Бухорода кечган «Бухоро» - «Навбаҳор» (3:3) учрашувида ҳам «қизил»га лойиқ кўрилганди.

Умумий вазият. Чемпионатнинг 25та тури давомида жами 31та қизил карточка кўрсатилди. Бу - ҳар бир ўйинга 0,15та четлатиш дегани. Уларнинг 15таси иккинчи «сариқ» туфайли юз берди. 2, 6, 8, 10, 12, 13, 18, 20, 22-турлар доирасидаги баҳсларда ҳакамлар бирорта ҳам «қизил»га мурожаат этмадилар.

Чемпионат давомида майдондан энг эрта четлатилган футболчи - бу Исломжон Қобилов. У қизил карточка олган пайтда биринчи бўлимга қўшиб берилган вақтнинг 3-дақиқаси («Қўқон-1912» - «Металлург» (3:0), 21 апрель) ўтиб бораётган эди.

Жами четлатишларнинг 3таси дастлабки 45 дақиқаликка тўғри келса, қолган 28таси иккинчи бўлимда кузатилган. Ўйинга қўшиб берилган дақиқаларда четлатиш эса 8 марта учради.

11-турдан ўрин олган «Бухоро» - «Навбаҳор» баҳсида (3:3) ҳар икки жамоа бош мураббийлари ва 2 футболчи майдондан четлатилди, 3та пенальти белгиланди.

Учрашув ҳаками Темур Тўхтасинов қатъий равишда қарор қабул қилишга мажбур бўлди. Биринчи бўлим тугагач, танаффусга чиқиш пайти ҳамда 80-дақиқада ушбу ҳакам анчагина тер тўкишига тўғри келди.

Изоҳ: 1-тартиб рақами; 2-четлатиш юз берган сана; 3-майдондан четлатилган футболчининг исми-шарифи; 4-клуби; 5-ўйин бўлган тур; 6-рақиб (якуний ҳисоб); 7-четлатиш юз берган дақиқа; 8-четлатиш қай тариқа юз берди; 9-бош ҳакам.

Клублар бўйича

Жами 13та клуб қизил карточка туфайли майдонда озчилик бўлиб қолишига тўғри келди. Қолган 3та жамоа футболчилари «қизил»га рўбарў келмадилар.

«Сўғдиёна» эса ҳали-ҳамон мавсумнинг энг интизомсиз жамоаси сифатида гавдаланмоқда - 6та қизил карточка.

Ҳакамлар бўйича

Жами 13 нафар ҳакам чўнтагидан қизил карточкани олди. Бу борада Бахтиёр Намозов яққол олдинда - 5 марта. Ўтган йилги биринчи давра пешқадами Равшан Эрматов (5 марта) жорий мавсум бор-йўғи икки футболчини четлатди.

Иккинчи даврада Ҳасан Рўзиев 3 марта «қизил»га мурожаат қилди. Маълумот ўрнида айтиш лозимки, ўтган мавсум биринчи даврасида ҳакамлардан 13 нафари четлатиш қайд этганди.

Бахтиёр Намозов - 5

Темур Тўхтасинов - 4

Ҳасан Рўзиев - 3

Владислав Цейтлин - 3

Шерзод Қосимов - 3

Валентин Коваленко - 3

Дмитрий Пислегин - 2

Равшан Эрматов - 2

Ильгиз Танташев - 2

Вадим Агишев - 1

Азиз Асимов - 1

Олим Толибжонов - 1

Зокир Қодиров - 1

Футболчилар бўйича:

3 - О.Қиличев

2 – С.Қулматов

1 - Э.Бойматов, З.Қўзибоев, Р.Ҳасанов, Н.Ҳаипов, Ш.Достонов, Ш.Муллажонов, Д.Эрматов, З.Тўраев, С.Сулаймонов, К.Тожиев, А.Лобанов, И.Қобилов, Ш.Холматов, И.Шойқулов, Э.Исмоилов, М.Музаффаров, С.Рашидов, Э.Тожибоев, Э.Мирзаев, Д.Умиров, И.Тиманюк, Ф.Қамбаров, А.Нўъмонов, Э.Орипов, В.Магерамов, И.Тошпўлатов

Ф.ФАЙЗИЕВ тайёрлади