Қайднома

Қидирув

АПЛ 25-мавсумининг турли хил йўналишлар бўйича рекордлари

АПЛ 25-мавсумининг турли хил йўналишлар бўйича рекордлари

  05.11.2017 01:01
  0
  1921
АПЛ 25-мавсумининг турли хил йўналишлар бўйича рекордлари

Мана, АПЛнинг юбилей - 25-мавсуми ҳам тобора қизғин тус олмоқда. Олдинда мухлисларни бир-биридан ҳаяжонли кўплаб баҳслар кутиб турганига шубҳа йўқ.

Ўйлаймизки, футбол оламининг энг жозибадор лигасига боғлиқ турли-туман рекорд кўрсаткичлар аксарият мухлисларни асло бефарқ қолдирмайди.

Шуни инобатга олган ҳолда, айрим юқори натижалар билан таништиришни лозим топдик. Мисол учун, майдонга тушиб, тўпга тегинмасдан олдин қизил карточка олган футболчиларни биласизми?

Ўйинларга боғлиқ рекордлар

Энг кўп ўйин ўтказган футболчи: Гарет Бэрри - 636та (1998 йил 2 май - 2017 йил 23 октябрь)

Майдонга тушган энг ёш футболчи: Мэтью Брижс - 16 ёшу 65 кун («Фулхэм» сафида, 2007 йил 13 май)

Майдонга тушган ёши энг катта футболчи: Жон Барриж - 43 ёшу 162 кун («Манчестер Сити» сафида, 1995 йил 14 май)

Кетма-кет (узлуксиз) майдонга тушиш бўйича етакчи футболчи: Брэд Фридель - 310та (2004 йил 14 август - 2012 йил 7 октябрь)

Мавсумлар сони бўйича етакчи футболчи: Райан Гиггз - 22 мавсум (1992|1993 - 2013|2014)

Голларга боғлиқ рекордлар

Биринчи гол муаллифи: Брайан Дин («Шеффилд Юнайтед» сафида «МЮ»га қарши ўйинда, 1992 йил 15 август)

Энг кўп гол урган футболчи: Алан Ширер - 260та («Саутгемптон», «Блэкберн», «Ньюкасл», 1992-2006 йиллар)

Битта мавсумда энг кўп гол урган футболчилар (42та ўйиндан иборат мавсумларда): Эндрю Коул - 34та («Ньюкасл», 1993|1994); Алан Ширер - 34та («Блэкберн», 1994|1995)

Битта мавсумда энг кўп гол урган футболчилар (38та баҳсдан иборат мавсумларда): Алан Ширер - 31та («Блэкберн», 1995|1996); Криштиану Роналду - 31та («МЮ», 2007|2008); Луис Суарес - 31та  («Ливерпуль», 2013|2014)

Битта тақвим йилида энг кўп гол урган футболчи: Алан Ширер - 36та(«Блэкберн», 1995 йил)

Битта клуб сафида энг кўп гол урган футболчи: Уэйн Руни - 183та («МЮ»)

Энг тезкор «хет-трик» муаллифи: Садио Мане - 2 дақиқа 56 сония («Саутгемптон» - «Астон Вилла», 2015 йил 16 май)

Битта ўйинда 5та гол урган футболчилар: Эндрю Коул («МЮ» - «Ипсвич», 1995 йил 4 март); Алан Ширер («Ньюкасл» - «Шеффилд Уэнсдей», 1999 йил 19 сентябрь); Жермейн Дефо («Тоттенхэм» - «Уиган», 2009 йил 22 ноябрь); Димитар Бербатов («МЮ» - «Блэкберн», 2010 йил 27 ноябрь); Серхио Агуэро («Манчестер Сити» - «Ньюкасл», 2015 йил 3 октябрь)

Гол урган энг ёш футболчи: Жеймс Воган - 16 ёшу 271 кун («Эвертон» сафида «Кристал Пэлас»га қарши ўйинда, 2005 йил 10 апрель)

Гол урган энг ёши катта футболчи: Тедди Шерингем, 40 ёшу 268 кун («Вест Хэм» сафида «Портсмут»га қарши ўйинда, 2006 йил 26 декабрь)

Энг тезкор гол муаллифи: Ледли Кинг - 9,9-сония («Тоттенхэм» сафида «Брэдфорд»га қарши ўйинда, 2000 йил 9 декабрь)

Захирадан майдонга тушган футболчилар орасида энг тезкор гол муаллифи: Никлас Бентнер - 1,8-сония («Арсенал» сафида «Тоттенхэм»га қарши ўйинда, 2007 йил 22 декабрь)

Энг кеч (90 дақиқали баҳсда) урилган гол муаллифи: Дирк Куйт - 101-дақиқаю 48-сония  («Ливерпуль» сафида «Арсенал»га қарши ўйинда, 2011 йил 17 апрель)

Захирадан майдонга тушиб, энг кўп гол урган футболчи: Оле Гуннар Сульшер - 4та («МЮ» сафида «Ноттингем Фо-рест»га қарши ўйинда, 1999 йил 6 февраль)

Голли серия бўйича етакчи футболчи: Жейми Варди - 11та ўйин («Лестер», 2016 йил 29 август - 28 ноябрь)

Сафардаги голли серия бўйича етакчи футболчи: Робин ван Перси -  9та ўйин  («Арсенал», 2011 йил 1 январь - 22 май)

7та клубда гол урган ягона футболчи: Крейг Беллами («Ковентри», «Ньюкасл», «Блэкберн», «Ливерпуль», «Вест Хэм», «Манчестер Сити», «Кардифф Сити»)

Бир ой ичида энг кўп гол урган футболчи: Луис Суарес - 10та («Ливерпуль», 2013 йил декабрь)

Энг кўп автогол муаллифи: Ричард Данн - 10та

Голга ассистентлик қилиш бўйича етакчи футболчи: Райан Гиггз - 162 марта («МЮ»)

Голга ассистентлик қилиш бўйича энг узун серия муаллифи: Месут Озил - 7та ўйин («Арсенал», 2015 йил 26 сентябрь - 21 ноябрь)

Дарвозабонларга боғлиқ рекордлар

«Қуруқ» серия бўйича етакчи дарвозабон: Эдвин ван дер Сар - 14та ўйин, 1311 дақиқа («МЮ», 2008|2009)

Бир мавсум давомидаги «қуруқ» ўйинлар сони бўйича етакчи дарвозабонлар: Петр Чех - 21та («Челси», 2004|2005); Эдвин ван дер Сар - 21та («МЮ», 2008|2009)

«Қуруқ» ўйинлар сони бўйича (барча мавсумлар) етакчи дарвозабон: Петер Чех («Челси», «Арсенал») - 194та

Рақиб дарвозасига гол урган киперлар: Петер Шмейхель («Эвертон» - «Астон Вилла» - 3:2, 2001 йил 20 октябрь); Брэд Фридель («Чарльтон» - «Блэкберн» - 3:2, 2004 йил 21 февраль); Пол Робинсон («Тоттенхэм» - «Уотфорд» - 3:1, 2007 йил 17 март); Тим Ховард («Эвертон» - «Болтон» - 1:2, 2012 йил 4 январь); Асмир Бегович («Сток Сити» - «Саутгемптон» - 1:1, 2013 йил 2 ноябрь)

Интизомга боғлиқ АНТИрекордлар

Тўпга тегинмай туриб, қизил карточка олган футболчилар (захирадан тушиб): Андреас Юханссон («Уиган» - «Арсенал», 2006 йил 7 май); Кейт Жиллеспай («Шеффилд Юнайтед» - «Рединг», 2007 йил 20 январь); Дейв Китсон («Рединг» - «МЮ», 2007 йил 12 август)

Қизил карточкалар сони бўйича «етакчи» футболчилар: Патрик Виейра -  8та; Данкан Фергюсон -  8та; Ричард Данн -  8та

Сариқ карточкалар сони бўйича «етакчи» футболчи: Гарет Бэрри - 103та

Битта мавсумда энг кўп қўполлик ишлатган футболчи: Кэвин Дэвис - 782 марта (2000|2001)

ФИКРАТ тайёрлади


Манба: www.interfutbol.uz


InterFutbol.uz нинг Telegram даги саҳифасига уланинг – энг сўнгги янгиликлар, қизиқарли блоглар ва таҳлилий материаллар энди бир тўпламда.

МАВЗУГА ОИД БОШҚА ХАБАРЛАР

Оммабоп мақолалар

Хабарингиз борми

Чемпионатлар

Жамоа Ў О
тўлиқ маълумот »

Кун фотоси

ЖЧ-2018 расмий тўпи – Telstar 18 тақдим қилинди

Хозирча сўровнома ўтказилмаяпти.

© "Interfutbol.UZ". © 2006-2017. Мобил версия
Сайт материалларидан тўлиқ ёки қисман фойдаланилганда веб-сайт манзили кўрсатилиши шарт!
Барча ҳуқуқлар амалдаги қонунчиликка биноан ҳимояланган.