Терма жамоадаги фаолиятини 2013 йилда бошлаган Иван Нагаев 28 ёшида яна терма жамоадан чақирув олди. Ўзбекистон терма жамоасига вақтинчалик бош мураббий этиб тайинланган "Насаф" устози Рўзиқул Бердиев Нагаевни яна ҳужум чизиғида кўриниш беришига имкон яратди.
Шу ўринда ҳақли савол туғилади. Иван Нагаев футболчилик фаолиятида нималарга эришган? У Миллий терма жамоамизнинг ҳужум чизиғига лойиқми? Ушбу саолларга жавоб тўпиш мақсадида қуйидаги маълумотларга эътиборингизни қаратамиз.
Иван Нагаев футболдаги профессионал фаолиятини биринчи бўлиб 2007 йилда Қаршининг “Насаф” кулуби таркибида бошлаган. 2008 йилда эса у Бекободнинг “Металлург” клубига кўчиб ўтади.
“Металлург” жамоаси таркибида Нагаев мавсум ўрталарида пайдо бўлди, шу боисдан тўққиз учрашувда майдонга тушиб иккита гол урди ҳолос.
2009 йилнинг ёзида Наманганнинг “Навбаҳор” кулубига бориб қўшилади ва ушбу клуб шарафини 2010 йилнинг январь ойига қадар ҳимоя қилади. Нагаев клуб таркибида ўн етти учрашувда майдонга тушиб атига битта гол ура олди холос.
2010 йилнинг ёзида Иван Нагаев Тошкентга кўчиб ўтади ва энди “Бунёдкор” кулуби футболчисига айланади. Аммо бу клуб таркибида асосий футболчига айланиш унинг учун анчагина мушкул эди.
Сабаби эса оддий. Ўша кезларда “Бунёдкор” сафида бразилиялик машҳур легионер футболчилар Ривалдо ва Денилсонлар тўп сурарди.
Шу боисдан у жамоада ўз ўрнини топа олмади ва ижара асосида ўзининг олдинги кулуби бўлмиш “Металлург”га қайтади.
Футболчининг яна Бекободга қайтиши ва асосий таркибдан жой олиш муҳим вазифа эканлиги турган гап эди ва бунга эришди ҳам, Нагаев яна ўз ўрнини топа олган эди. Ушбу жамоада ўн икки бор майдонга тушди ва битта гол урди. Аммо ўз ўйинини аста секин топа олди.
2011 йилнинг бошида Нагаевга Самарқанднинг “Динамо” кулубидан таклиш келиб тушади ва футболчи бу таклифни қабул қилади. Бу шартнома унинг учун муҳим бўлди ва футболдаги энг сермахсул мавсумларини ва жамоадаги энг яхши ўйинларини у айнан ушбу клубда ўтказди. Нагаев шунингдек жамоадаги етакчи футболчиларидан бирига айланди. Клубда у икки мавсум тўп сурди ва 34 та учрашувда майдонга тушиб рақиб дарвозасини ўн уч бор аниқ нишонга олди. “Динамо” кулуби муҳлисларининг ёқимтойига айланган Нагаев Ўзбекистон миллий терма жамоаси мураббийси Вадим Абрамовнинг эътиборига тушади ва тез оради миллий терма жамоанинг футболчисига айланади.
2013 йилнинг бошида Иван Нагев “темирйўлчилар” билан шартнома имзолайди. У “Локоматив” таркибида яхши ўйин кўрсатди ва ўзининг футболчилик фаолиятидани энг яхши мавсумларини айнан ушбу кулуб таркибида ўтказди. Иван Нагаев жамоа сафида эллик уч бор майдонга тушиб, рақиб дарвозасига 24 та гол урди.
Ўзбекистон чемпионатида 2013-2014 йилларда кумуш медали соҳибига айланди. Қолаверса 2013 йилда ўтказилган Ўзбекистон суперкубоги иштирокчиси бўлди ва 2014 йилги мавсум Ўзбекистон кубоги соҳибига айланди. 2015 йилларда Нагаев Кувайтнинг “Ақ-Қодисия” клуби билан шартнома имзолади.
Нагаев ушбу жамоа либосида олти бор майдонга тушди ва иккита гол урди. 2017 йилда “Бухоро” клуби билан икки йиллик шартнома имзолади.
Жорий мавсумда у Олий Лигада “Бухоро” таркибида майдонга саф тортмоқда ва ўзининг тўпурарлик маҳоратини ишга солиб мавсум бошидан бери рақиб дарвозасига ўнта гол урди.
Иван Нагаев деярли барча ёш тоифасида Ўзбекистон миллий терма жамоаси таркибида ўйнаган. 2009 йилда Ўзбекистон ёшлар терма жамоаси таркибида Ёшлар ўтасидаги жаҳон чемпионатида иштирок этиб бешта учрашувда майдонга тушди ва битта голга муаллифлик қилган.
Маъмур Пармонов тайёрлади.
Манба: www.interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20