Италия терма жамоаси дарвозабони Жанлуижжи Буффон Швецияга учралган мағлубият (0:1) дан сўнг ўз фикрларини билдириб ўтди.

“Мағлуб бўлганимизни яхши тушуниб турибман, лекин бизда вазиятни яхшилаш учун яна олдимизда 90 дақиқа бор.

Терма жамоа ўйинларидаги биринчи қонун, ўзини яхши тута олиш, мағлубиятни унутиб олдинга қадам ташлаш ҳисобланади. Ўйин давомида кўплаб қоида бузилишлари кузатилди. Рақобатларга бой ўйин бўлди. Жамоадошларим майдонда қийналиб қолишганини тан оламан.

Устига-устак ҳакам ўйинни англияча услубда бошқариб борди. Кўп вазиятларда ўйнаш учун имконият берди. Умид қиламанки, ҳакамлар жавоб ўйинида бошқачароқ қарорлар қабул қилишади.

Душанба куни бўлиб ўтадиган ўйинда ўзимизга ишонишимиз зарур, акс ҳолда Италия жаҳон чемпионатини умид қилмаса ҳам бўлади. Биринчи ўйиндан керакли хулоса чиқардик. Биз мағлубият сабабларини ўрганиб чиқамиз ва Швецияга қарши муносиб курашамиз.

Италия “Сан-Сиро”даги мухлислари кўз олдида бошқача ўйин намойиш этайди. Бошни қотирмасдан, қўлларни пастга тушурмаслик керак.

Олдимиздаги 90 дақиқанинг ҳар сониясини қадрлаймиз ва керакли бўлган ғалабага эришиб, мухлисларимиз ва шахсий орзуларимизни амалга оширамиз. Ҳаммаси зўр бўлади!”, – дейди Буффон.