Куни кеча 4 марта оталик бахтига муяссар бўлган Мадриднинг “Реал” клуби ҳужумчиси Криштиану Роналду яна учта фарзандли бўлиш истаги борлигини айтиб ўтди.
Футбол юлдузи бундан ташқари “Олтин тўп” совринларининг сонини еттитага кўпайтиришни орзу қилаётганини ҳам таъкидлаб ўтди.
“...Реал” ва Португалия билан барча нуфузли совринларга эга чиқишни истайман. “Олтин тўп” совринига бешинчи марта эга чиқиш ҳақида орзу қиляпман. Кейинги йилда ҳам “Олтин тўп”ни менга беришса ёмон бўлмасди.
Фарзандларим яна биттага кўпайганидан хурсандман. Мен болаларимни қаттиқ яхши кўраман. Уларсиз ҳаёт мен учун мазмунсиз ўтади. Келажакда етти фарзандли ва еттита “Олтин тўп”им бўлишини истайман”, – дейди Роналду.
Шунингдек, дунёдаги энг яхши футболчи учун бериладиган “Олтин тўп” соврининг 4 карра соҳиби Европа Чемпионлар Лигаси мусобақасининг гуруҳ босқичида биринчи ўринни олиб, муддатидан олдин кейинги плей-оффга йўлланма олган Франциянинг “ПСЖ” клубидан қўрқмаслигини айтиб ўтди.
“Мен “ПСЖ” уюштириши мумкин бўлган босимдан қўрқмайман. “Реал” ЕЧЛнинг амалдаги совриндори ва ушбу мусобақани кетма-кет икки марта ютган илк жамоа ҳисобланади.
Шунинг ўзи “Реал” клубининг қандай кучга эга эканлигидан далолат. Биз ўз гуруҳимизда биринчи ўринни олишни истаймиз, лекин муҳими плей-офф босқичига чиқиш ҳисобланади”, – дейди Роналду.
Эслатиб ўтамиз, Криштиану Роналду жорий йилнинг 13 ноябрь куни қизли бўлди ва унга Аллана Мартина дея исм берди.
Шунингдек, 32 ёшли футболчи ФИФА томонидан “The Best FIFA Football Awards 2017” совринига бешинчи марта муносиб дея топилди.
Лекин ҳозирча Роналдунинг “Олтин тўп” совринлари Мессиникидан битта кам. 7 декабрь куни “France Football” нашри “Олтин тўп–2017” совринин ўз эгасига топширади.
Ушбу мукофотга асосий даъвогарлар рўйхатида Роналду, Неймар ва Месси каби футболчилар номзодлар борлиги ҳақида аввалги саҳифаларимизда хабар бериб ўтгандик.
Манба: www.iff.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20