Кеча бўлиб ўтган "Насаф" - "Пахтакор" (4:0) учрашувида клубимиз мухлислари катта фаоллик кўрсатишди. Футбол ибораси билан айтсак, ҳақиқий 12-ўйинчи ролини бажаришди.
Кеча нафақат Қашқадарёлик мухлислар, балки қўшни вилоятлардан ташриф буюрган ишқибозлар ҳам бир мақсад олдида бирлашишди - "Насаф"нинг ғалабаси учун!
Телеэкран қаршисида эса миллионлаб футбол ишқибозлари чиройли ва шиддатли футбол ўйинини томоша қилишди. Ишончимиз комилки, уларнинг ҳам аксарияти жамоамиз учун мухлислик қилишган. ФАОЛ ВА ЖОНКУЯР МУХЛИСЛАРИМИЗГА ОФАРИН!
Такрор ва такрор таъкидлаймизки, "Насаф" клуби бундай жонкуяр мухлислари билан доимо фахрланади!
Кеча ўйиндан кейин бўлиб ўтган матбуот анжуманида ҳам жамоамиз устози Рўзиқул Бердиев, жамоамизни яқиндан қўллаб-қувватлаган мухлисларга алоҳида ташаккур билдириб ўтди.
"Марказий" стадионимизда кеча мухлислар ҳар қачонгидан фаол бўлишди. Улар стадионимизда чиройли муҳит ярата олишди. Айниқса мухлислар клубимиз аъзолари шундай муҳитни яратишда жонбозлик кўрсатишди.
Уларнинг қизғин қўллаб-қувватлашлари футболчиларимизга катта куч берди. Ўз ўрнида "аждарлар" ҳам бундай мухлисларимизни хурсанд қилиш учун майдонда борини беришди ва ўзингиз гувоҳ бўлганингиздек, муҳим ўйинда ишончли тарзда ғалаба туҳфа этилди.
"Марказий" стадионимизга ташриф буюрган ва жамоамизга яқиндан далда бўлган барча-барча футбол ишқибозларига, телеэкран орқали ўйинни томоша қилиб, жамоамизга ишқибозлик қилган миллионлаб футбол шайдоларига клубимиз раҳбарияти, мураббийлари ва футболчилари номидан каттадан-катта миннатдорчилик билдирамиз.
Футбол ишқибозлиги Сизларни ҳеч қачон тарк этмасин! Тинч ва фаравон мамлакатимиз футболи ривожланаверсин!
"Насаф" жамоаси СИЗлар учун ўйнайди!
Кеча мухлисларимиз бизни қандай қўллаб-қувватлашганини қуйидаги расмларда томоша қилинг.
КУМУШ МЕДАЛ ВА ОЧЛ-2018 ЙЎЛЛАНМАСИ БАРЧАМИЗГА МУБОРАК БЎЛСИН!
Манба: www.fcnasaf.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20