Европа Чемпионлар лигаси гуруҳ босқичининг 5-туридан ўрин олган "Севилья" - "Ливерпуль" учрашуви ўз ниҳоясига етди. Унда 3:3 ҳисоби қайд этилиб, жамоалар муроса кўчасини танлашди.

Меҳмонлар учрашувнинг 30-дақиқасига қадар учта гол уришди. Роберто Фирминьо дубль қайд этган бўлса, Садио Мане ҳисобни йирик кўринишга келтирди.

“Севилья” иккинчи бўлимда Виссам Бен-Йеддернинг икки голи эвазига ҳисобни қисқартирди. Ўйинга қўшиб берилган дақиқаларида Гидо Писарро ҳисобни тенглаштирди.

“Е” гуруҳида 5-турнинг якуний натижаларидан сўнг плей-офф босқичига ҳеч қайси жамоа йўл олмади. Барчаси сўнгги 6-турда ҳал бўлади.

Унда “Спартак” Англияда “Ливерпуль” меҳмони бўлса, “Севилья” Словенияда “Марибор”га қарши баҳс олиб боради.

“E” гуруҳида 5-турдан сўнг вазият қуйидагича кўриниш олган: 1. “Ливерпуль” — 9 очко; 2. “Севилья” — 8; 3. “Спартак” — 6; 4. “Марибор” — 2.

Европа Чемпионлар лигаси, 5-тур

Севилья Испания – Ливерпуль Англия 3:3 (0:3, 3:0)
Голлар: 0:1 – 2 Фирмино, 0:2 – 22 Мане, 0:3 – 30 Фирмино, 1:3 – 51 Бен-Йеддер, 2:3 – 60, пенальти Бен-Йеддер, 3:3 – 90+2 Писарро.
Севилья – Рико, Лангле, Эскудеро, Меркадо, Гайс, Нзонзи (Васкес, 46), Писарро, Банега, Сарабия, Нолито (Муриэль, 73), Бен-Йеддер (Корреа, 81).
Ливерпуль –Кариус, Ловрен, Морено (Милнер, 63), Гомес, Клаван, Фирмино, Вейналдум, Салах (Окслейд-Чемберлен, 87), Коутиньо (Джан, 63), Мане, Хендерсон.
Огоҳлантиришлар: Морено (38), Банега (45), Меркадо (54), Хендерсон (68), Джан (82).