УЕФА президенти Александр Чеферин «Милан» клубининг молиявий фэйр-плейга амал қилмаганлиги учун еврокубоклардан четлатилиши мумкинлиги ҳақида гапириб ўтди.

“Биз шунинг устида ишлаябмиз, лекин бир нарса айтишим қийин. Мени «Милан» клубининг молиявий аҳволи хавотирга қўймоқда. Декабрь ойининг ўрталарида тегишли идоралар вакиллари ўз қарорларини эълон қилишади. Ҳамма нарса бўлиши мумкин, лекин олдиндан бир нима дейиш қийин”, - дейди Чеферин.

Шу билан бирга у Италия терма жамоасининг ЖЧ финал босқичига йўлланмани қўлга кирита олмаганлиги ҳақида ҳам фикр билдирди.

“Футболга қизиқувчи мамлакат учун, бу мудҳиш хабар бўлди, лекин Голландия ҳам Европа ва Жаҳон чемпионатига чиқа олмади. Бу қаердадир хато борлигини англаш ва тузатиш учун имконият.

Инфратузилма ҳақида гапирсам, Италияда бу борасида муаммолар бор. Инфратузилмасиз ёш футболчиларнинг ўсиши мумкин эмас, шундай экан иқтидорли ёшларсиз бирон бир соврин юта олмайсиз.

Италияда жуда ҳам эскиган стадионлар кўп. Фақатгина «Ювентус», «Удинезе», «Аталанта» ва «Сассуоло» клублари бу борасида яхшиланиш йўлидан бормоқда” - дея якун ясади.