Хабарингиз бор, ортда қолган ҳафтада Европа чемпионлар лигаси турнирининг 5-туридан ўрин олган бир-биридан қизиқарли баҳслар бўлиб ўтди.

«Ҳечдан кўра кеч» деганларидек бугун анашу баҳсларда ўрнатилган рекордлар ва турли фактларни эътиборингизга ҳавола этишни лозим топдик

1 - «Бешиктош» ўз тарихида илк марта «плей-офф» босқичига йўл олди. Туркия клуби ўз майдонида ўтган ЧЛнинг охирги 13та ўйинида мағлубият нималигини билмади - 5та ғалаба, 8та дуранг.

Умуман олганда, «Бешиктош» турк клублари ичида «Галатасарой» ва «Фенербахче»дан сўнг 1|8 финалга чиққан 3-жамоа бўлди.

11 - ЦСКА дарвозабони Игорь Акинфеев 11 йилга чўзилган антисериясини узди, ниҳоят. У ЧЛда 2006 йилнинг 1 ноябрь куни «Арсенал»га қарши ўйинда ўз дарвозасини «қуруқ» сақлаганидан буён орада кетма-кет 43та учрашувда гол қўйиб юборганди.

18 - «Реал» тўпурари Криштиану Роналду 2017 йил давомида ЧЛнинг ўзида 18та гол урди. У 2015 йили 16та, 2013 йили эса 15та голга муаллифлик қилганди. 

56 - «Селтик» ҳужумчиси Мусса Дембеле «ПСЖ»га қарши ўйиннинг 56-сониясида ҳисобни очди. Бу Шотландия клубининг ЧЛдаги энг тезкор голидир.

98 - Криштиану Роналду «Реал» либосида ЧЛда урган голлари сонини 98тага етгазди (93та ўйинда). Лионель Месси эса «Барселона» учун 120та ўйинда 97та гол ҳосил қилган.

200 - «Челси» сафига 2013 йил ёзда қўшилган Виллиан «аристократлар» сафида 200-марта майдонга тушди. У 4 йилу 3 ой давомида АПЛда 19та, еврокубокларда 8та, ички кубокларда 7та гол урди - жами 34та.

2000 - 2000 йилнинг 28 майида туғилган «Манчестер Сити» вакили Фил Фоден «Фейеноорд»га қарши баҳсда расмий дебютини нишонлади. У 2000 йилдан кейин туғилганлар орасида ЧЛда майдонга тушган учинчи футболчидир.

«ПСЖ» ва Ибрагимовичдан рекорд

Ўз майдонида «Селтик»ни 7:1 кўринишида тор-мор қилган «ПСЖ» ЧЛ тарихида гуруҳ босқичида энг кўп гол урган жамоа мақомини олди. Ваҳоланки, олдинда яна битта тур бор. Парижликлар 5та ўйинда 24та гол ҳосил қилишди - 1та учрашувда ўртача 4,8та.

Гуруҳ босқичининг энг самарадор иштирокчилари

24та - «ПСЖ» (2017|2018)

21та - «Боруссия» Д. (2016|2017)

20та - «МЮ» (1998|1999)

20та - «Барселона» (2011|2012)

20та - «Реал» (2013|2014)

20та - «Барселона» (2016|2017)

19та - «Барселона» (1999|2000)

19та - «Реал» (2011|2012)

19та - «Реал» (2015|2016)

19та - «Бавария» (2015|2016)

«Базел»га қарши ўйинда захирадан майдонга тушган «МЮ» ҳужумчиси Златан Ибрагимович ЧЛда 7та клуб шарафини ҳимоя қилган биринчи футболчи бўлди.

Энг қизиғи, бунгача «Аякс», «Ювентус», «Интер», «Барселона», «Милан» ва «ПСЖ» клублари сафида ўйнаган швед ҳалигача турнирда ғалаба нашидасини сурмаган.

Ибра шунингдек, ЧЛда 120-ўйинини ўтказиб, бу борада Роберто Карлос ва Лионель Мессига тенглашиб олди (гвардиячилар рўйхатида 8-ўрин).

Златан турнирда яна 2та гол урса, 50талик маррадан ўтган 7-футболчига айланади. Айтганча, у еврокубокларда 7та клуб учун гол урган, худди норвегиялик Жон Карью каби.

ЧЛда 5та ёки кўпроқ жамоа либосида майдонга тушган футболчилар

Златан Ибрагимович: 7та («МЮ» - 1та, «ПСЖ» - 33та, «Милан» - 16та, «Барселона» - 10та, «Интер» - 22та, «Ювентус» - 19та, «Аякс» - 19та)

Хавьер Савиола: 6та («Олимпиакос» - 5та, «Малага» - 6та, «Бенфика» - 8та, «Реал» - 6та, «Барселона» - 24та, «Монако» - 7та)

Николя Анелька: 6та («Ювентус» - 1та, «Челси» - 37та, «Фенербахче» - 6та, «ПСЖ» - 9та, «Реал» - 10та, «Монако» - 7та)

Эрнан Креспо: 5та («Интер» - 23та, «Челси» - 15та, «Милан» - 10та, «Лацио» - 11та, «Парма» - 6та)

Фернандо Морьентес: 5та («Олимпик» - 5та, «Валенсия» - 14та, «Ливерпуль» - 5та, «Реал» - 53та, «Монако» - 12та)

Самуэль Это~О: 5та («Челси» - 9та, «Интер» - 23та, «Барселона» - 38та, «Мальорка» - 5та, «Реал» - 3та)

ЧЛда 5та ёки кўпроқ клуб учун гол урган футболчилар

Златан Ибрагимович: 6та («ПСЖ» - 20та, «Милан» - 9та, «Барселона» - 4та, «Интер» - 6та, «Ювентус» - 3та, «Аякс» - 6та)

Эрнан Креспо: 5та («Интер» - 11та, «Челси» - 4та, «Милан» - 6та, «Лацио» - 2та, «Парма» - 2та)

ТЕХНИК КЎРСАТКИЧЛАР

Дарвоза томон аниқ зарбалар сони бўйича етакчилар: 16та - Криштиану Роналду («Реал»); 13та - Лионель Месси («Барселона»); 11та - Гарри Кейн («Тоттенхэм»), Муҳаммад Салоҳ («Ливерпуль»), Неймар («ПСЖ»), Роберт Левандовски («Бавария»).

Дарвоза томон ноаниқ зарбалар сони бўйича етакчилар: 16та - Криштиану Роналду («Реал»); 12та - Эдинсон Кавани («ПСЖ»); 10та - Эдин Жеко («Рома»), Антуан Гризманн («Атлетико»).

Сариқ карточка олиш бўйича етакчилар: 3та - 14 нафар футболчи. Жами 286та  сариқ карточка кўрсатилди.

Энг кўп гол урган жамоалар: 24та - «ПСЖ»; 16та - «Ливерпуль»; 15та - «Челси».

Энг кам гол урган жамоалар: 1та - «Андерлехт», «Бенфика».

Жарима майдони ичидан гол уриш бўйича етакчилар: 19та - «ПСЖ»; 13та - «Ливерпуль»; 12та - «Реал».

Жарима майдони ташқарисидан гол уриш бўйича етакчилар: 5та - «Челси»; 4та - «ПСЖ»

Энг кўп сариқ карточка олган жамоалар: 18та - «Спортинг»; 14та - «Монако», «Фейеноорд».

Энг кам сариқ карточка олган жамоалар: 4та - «ПСЖ», «Челси»; 5та - «Рома», «Селтик».

Энг кўп қизил карточка олган жамоалар: 3та - «Қорабоғ»; 2та - «Бенфика».

Дарвоза томон энг кўп аниқ зарба йўллаган жамоалар: 44та - «Ливерпуль»; 42та - «Реал»; 38та - «ПСЖ».

Дарвоза томон энг кўп ноаниқ зарба йўллаган жамоалар: 37та - «Бавария», «Атлетико»; 34та - «Ливерпуль», «ПСЖ».

Энг кўп бурчак тўпи тепган жамоалар: 49та - «Бавария»; 48та - «Ливерпуль»; 43та - «Боруссия» Д.

Энг кам бурчак тўпи тепган жамоалар: 8та - «Спартак»; 10та - «Қорабоғ».

Энг кўп қўполлик қилган футболчилар: 15 марта - Педро Энрике («Қорабоғ»); 14 марта - Карим ал Аҳмади («Фейеноорд»), Софиян Амрабат («Фейеноорд»), Вадис Ожижа-Офоэ («Олимпиакос»).

Қўполликдан энг кўп жабр чеккан футболчилар: 20 марта - Неймар («ПСЖ»); 16 марта - Марлос («Шахтёр»); 14 марта - Фабиньо («Монако»), Пауло Дибала («Ювентус»).

Энг кўп «сэйв» амалга оширган дарвозабонлар: 27 марта - Иброҳим Шехич («Қорабоғ»); 25 марта - Ясмин Ханданович («Марибор»); 24 марта - Андрей Пятов («Шахтёр»), Уго Льорис («Тоттенхэм»), Игорь Акинфеев (ЦСКА).

Энг яхши тўп оширувчилар: 551та (468таси аниқ, 85 фоиз аниқлик) - Эвер Банега («Севилья»); 500та (476таси аниқ, 95 фоиз аниқлик) - Серхио Бускетс («Барселона»). Жами 7 нафар футболчи 370 марта ёки  кўпроқ аниқ «пас» берди.

Чап оёқда гол уриш бўйича етакчи футболчилар: 3та - Гарри Кейн («Тоттенхэм»), Лионель Месси («Барселона»), Муҳаммад Салоҳ («Ливерпуль»).

Ўнг оёқда гол уриш бўйича етакчи футболчилар: 4та - Криштиану Роналду («Реал»), Неймар («ПСЖ»), Виссам Бен-Йеддер («Севилья»), Эдинсон Кавани («ПСЖ»).

Бош билан гол уриш бўйича етакчи футболчилар: 3та -Жон Стоунз («Манчестер Сити»); 2та - Эдинсон Кавани («ПСЖ»), Ромелу Лукаку («МЮ»), Талиска («Бешиктош»).

Жарима майдони ичидан гол уриш бўйича етакчи футболчилар: 7та - Криштиану Роналду («Реал»); 6та - Гарри Кейн («Тоттенхэм»), Виссам Бен-Йеддер («Севилья»).

Жарима майдони ташқарисидан гол уриш бў-йича етакчи футболчилар: 2та -Неймар («ПСЖ»), Серхио Агуэро («Манчестер Си-ти»), Талиска («Бе-шиктош»), Лоренцо Инсинье («Наполи»).

Пенальти орқали гол уриш бўйича етакчи футболчилар: 2та - Криштиану Роналду («Реал»), Виссам Бен-Йеддер («Севилья»).

Энг кўп масофа босиб ўтган футболчилар: 59568 метр - Сауль («Атлетико»); 58818 метр - Фред («Шахтёр»); 58243 метр - Ричард Алмейда («Қорабоғ»). 12 нафар футболчи 56 километрдан ортиқ масофа босиб ўтди.

Энг кўп тўп узатган жамоалар: 3685та (90 фоиз аниқ) - «Барселона»; 3619та (90 фоиз аниқ) - «Манчестер Сити»).

Энг кам тўп узатган жамоалар: 1546та (76 фоиз аниқ) - АПОЭЛ; 1844та (76 фоиз аниқ) - «Порту».

Тўпга эгалик қилиш бўйича етакчи жамоалар (фоиз ҳисобида): 63 - «Барселона»; 61 - «Боруссия» Д.

Тўпга эгалик қилиш бўйича мақтанолмайдиган жамоалар (фоиз ҳисобида): 36 - АПОЭЛ; 38 - «Марибор».

Тўпурарлар: 8та - Криштиану Роналду («Реал»); 6та - Виссам Бен-Йеддер («Севилья»), Эдинсон Кавани («ПСЖ»), Гарри Кейн («Тоттенхэм»), Неймар («ПСЖ»); 5та - Роберто Фирмино («Ливерпуль»); 4та - Муҳаммад Салоҳ («Ливерпуль»), Раҳим Стерлинг («Манчестер Сити»), Женк Тосун («Бешиктош»).

Энг яхши ассистент: 4та - Неймар («ПСЖ»).

Захира ўриндиғи самараси

3та гол

«Олимпиакос» (Фелипе Пардо - 2та, Вадис Ожижа-Офоэ); «Спартак» (Александр Самедов, Лоренсо Мельгарехо, Зе Луиш); ЦСКА (Темур Жамалетдинов, Константин Кучаев, Алан Загоев)

2та гол

«Базель» (Блас Риверос, Димитри Оберлин); «Ливерпуль» (Алекс Окслейд-Чемберлен, Даниэль Старриж); «МЮ» (Маруан Феллайни, Маркус Рашфорд); «Порту» (Мигель Лайюн, Макси Перейра); «Челси» (Тьемуа Бакайоко, Миши Батшуайи)

1та гол

АПОЭЛ (Микаэль Поте); «Атлетико» (Кевин Гамейро); «РБ Лейпциг» (Тимо Вернер); «Манчестер Сити» (Раҳим Стерлинг); «Марибор» (Ясмин Мешанович); «ПСЖ» (Анхель ди Мария); «Ювентус» (Гонсало Игуаин)

Изоҳ: мазкур кўрсаткичлар 23 ноябрь ҳолати бўйича келтирилган.

Ф.ФАЙЗИЕВ тайёрлади