"Ювентус" посбони Жанлуижи Буффон 2016/17 йилги мавсум Италияда энг яхши футболчи деб топилди. Буффон Милан шаҳридаги гала маросимида ушбу совринни қабул қилиб олди. "Наполи" устози Маурисио Сарри мавсумнинг энг яхши мураббийи деб топилди. Унинг совринини клуб президенти Аурелио де Лаурентис қабул қилди.

Бундан ташқари мавсумнинг рамзий терма жамоаси ҳам эълон қилинди. 

Дарвозабон -  Жанлуижи Буффон (Ювентус)
Ҳимоячилар -  Дани Алвес, Леонардо Бонуччи, Алекс Сандро (барчаси — Ювентус), Калиду Кулибали (Наполи)
Ярим ҳимоячилар -  Миралем Пьянич (Ювентус), Раджа Наингголан (Рома), Марек Хамшик (Наполи)
Ҳужумчилар -  Дрис Мертенс (Наполи), Гонсало Игуаин, Пауло Дибала (иккиси — Ювентус)...

Айтганча, «Юве» голкипери Жанлуижи Буффоннинг айтишича, Италия терма жамоаси учун майдонга тушиш иштиёқини йўқотгани йўқ ҳамда миллий термага қайтишга тайёр бўлади. «Мен маълум бир ёшга етдим, шунинг учун танаффус қилишим керак. Бироқ агарда Италияда дарвозабонлар қолмаса ҳамда мендан қайтишни сўрашса, мен буни ҳаттоки 60 ёшимда ҳам қиламан», - дея айтиб ўтди Буффон журналистларга.

39 ёшли Буффон мавсум охирида ўз фаолиятини якунлайди. У Италия ЖЧ-2018га чиқа олмаганидан сўнг, халқаро майдондаги фаолиятини якунлаб бўлди.