«Шанхай СИПГ» клуби Андре Виллаш-Боаш бош мураббий лавозимини тарк этганлигини расмий сайтида тасдиқлади. Эслатиб ўтамиз, ушбу клубда терма жамоамизнинг етакчиси Одил Ахмедов тўп суради.

«Омадли кечган йилдан сўнг биз афсус билан шу айтишимиз керакки, Виллаш-Боаш «Шанхай СПИГ» клубини тарк этди. Мураббий ва унинг жамоасига 2017 йилдаги эришилган юксалиш ва муваффақиятлар учун миннатдорчилик билдирамиз.

Мураббий клуб ва футболчиларнинг келажакдаги ишларига омад тилади. Мутахассис шу билан бирга жамоа мухлисларига у ва оиласига кўрсатилган меҳмондўстлик учун миннатдорчилик билдириб ўтди», - деб ёзади клуб матбуот хизмати.

Сал аввал португалиялик мутахассиснинг жамоаси «Шанхай Шэньхуа» клубини Хитой Кубоги доирасидаги баҳснинг жавоб ўйинида мағлуб этган эди (3:2). Аммо икки ўйин натижасига кўра совринсиз қолиб кетди.

Бундан ташқари «Шанхай СПИГ» клуби чемпионатда «Гуанчжоу Эвергранд» клубидан олти очко ортда қолиб, иккинчи ўринни эгаллаган.

Осиё Чемпионлар Лигаси ҳам клубнинг омади келмади ва мусобақани ярим финал босқичида «Урава Ред» жамоасига таслим бўлди.