Англия чемпионатининг 15-туридан ўрин олган “Челси” ҳамда “Ньюкасл” жамоалари ўртасидаги учрашув ўз ниҳоясига етди. Унда 3:1 ҳисоби қайд этилиб, лондонликларнинг ғалабаси билан якунланди.

Дастлаб, биринчи бўлимнинг 12-дақиқасидаёқ “Челси“ Дуайт Гэйлдан тўп ўтказиб юборган бўлсада, орадан 9 дақиқа ўтар ўтмас Эден Азарнинг ҳатти-ҳаракатлари эвазига тезда ҳисобни тенглашди.

Яна 12 дақиқа ўтиб, Альваро Мората Дарлоуни иккинчи бор ранжитишга муваффақ бўлди.

Иккинчи бўлимнинг 74-дақиқасига келиб эса яна бельгиялик футболчининг ўзи пенальтидан тўп киритиб, таблода 3:1 ҳисобини акс эттирилишини таъминлади.

Шу тариқа, “Челси” Лондонда “Ньюкасл” устидан ишончли ғалабага эришди.

Англия чемпионати, 15-тур

Челси – Ньюкасл 3:1 (2:1, 1:0)
Голлар: 0:1 – 12 Гэйл, 1:1 – 21 Азар, 2:1 – 33 Мората, 3:1 – 74, пенальти Азар.
Челси – Куртуа, Аспиликуэта, Кристенсен (Кэйхилл, 80), Рюдигер, Мозес, Азар (Виллиан, 78), Дринкуотер, Фабрегас (Бакайоко, 78), Канте, Алонсо, Мората.
Ньюкасл – Дарлоу, Лежен, Мбемба, Манкильо, Кларк, Ритчи, Мерино (Йедлин, 85), Диаме (Шелви, 75), Мерфи, Перес (Хэйден, 62), Гэйл.
Огоҳлантириш: Кларк (45).