Янги мавсумга ҳозирлик кўраётган Бекободнинг “Металлург”жамоаси иккинчи ўқув-машғулот йиғинига киришди. Бу галги йиғин пойтахт – Тошкент шаҳрида давом эттирилмоқда. 3 январь санасидан эътиборан Андрей Шипилов етакчилигидаги металлургчилар ҳар куни икки маҳалдан “Бунёдкор” футбол академияси майдони ҳамда Чилонзор туманидаги “Пахтакор” футбол клубига қарашли БЎСМ майдонларида машғулот ўтказишаяпти.
Бевосита шуғулланаётган футболчиларга келсак, жамоа ўтган мавсум ўзагини сақлаб қолган. 2017 йилги мавсумдан кейин “Металлург” бир қатор фахрий футболчилари билан хайрлашди. Ўз навбатида клуб маъмурияти бу ўйинчиларнинг барчасига самарали меҳнати, клубга садоқати учун миннатдорлик билдиради ва уларнинг келгуси фаолиятига омад тилайди.
Йиғинда шунингдек, бир қатор иқтидорли ёш ўйинчилар иштирок этишаётганлигини айтиб ўтиш лозим. Бу футболчилардан кимлар таркибда қолиши маълум эмаслиги боис аниқ маълумот беришга вақтли. Иккинчи йиғин февраль ойига қадар давом этади. Йиғин давомида бир қатор кўрик-назорат учрашувлари ҳам ўтказилиши режалаштирилган. Февраль ойидан эса “Металлург” ПФК йиғинни хорижда давом эттириши кутилаяпти.
***
Бугун "Қўқон-1912" 2018 йилдаги дастлабки ўқув-йиғин машғулотларига киришади. Футболчилар мавсумга тайёргарлик кўриш учун Тошкент шаҳрида тўпланишади. 23 январь кунига қадар давом этадиган ушбу йиғинга мураббийлар бир қатор янги фтбочиларни ҳам таклиф қилишган. Биз бу ҳақида кеийнги хабарларда аниқ маълумотларни етказиб турамиз.Тошкентдаги ўқув-йиғинлар давомида суперлига иштирокчилари билан тўртта ўртоқлик ўйинлари ўтказиш ҳам режага киритилган бўлиб, айни кунларда жамоалар билан музокаралар олиб борилмоқда. Дастлабки ўртоқлик учрашувини Муборакнинг “Машъал” жамоаси билан ўтказиш борасида келишувга эришилди.
***
Улуғбек Бақоев бошқарувидаги «Бухоро» жамоаси янги йил байрамидан сўнг тайёргарлик босқичининг иккинчи қисмини Тошкентда ўтказади. Режага кўра жамоа аъзолари 4 январь, пайшанба куни пойтахтда йиғилади. Ушбу йиғин чоғида албатта таркибда ўзига яраша янгиликлар юз бериши кўзда тутилмоқда. Боиси жорий мавсум жамоа мураббийлари таркибни янада кучайтириш мақсадида ҳозирда бир қатор етакчи футболчилар билан музокара олиб бормоқда. Шуни ҳам қўшимча қилиш лозимки, мураббийлар штабининг режасига кўра, Тошкентда ўқув-машғулотдан ташқари яна бир нечта синов-назорат баҳслари ташкил этилиши ҳам ўрин олган.Манба: "Металлург", "Бухоро", "Қўқон-1912" матбуот хизматлари
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20