Қайднома

Қидирув

Ғирром футбол бизга керакмас, ёши кичрайтирилганлар қатъий жазоланади

Ғирром футбол бизга керакмас, ёши кичрайтирилганлар қатъий жазоланади

  05.01.2018 20:28
  0
  266
Ғирром футбол бизга керакмас, ёши кичрайтирилганлар қатъий жазоланади

Ўзбекистон футбол федерацияси томонидан футболимизда шаффофликни таъминлаш, ноҳақликларни олдини олиш ва ғирромликларга барҳам бериш мақсадида бир қатор чора-тадбирлар амалга оширилмоқда.

Жумладан, футболчиларнинг ёшини кичрайтириб кўрсатиш, ҳужжатларни қалбакилаштиришга қарши курашиш, бу иллатларнинг илдизига болта уриш мақсадида, мавжуд маълумотлар мунтазам равишда ўрганилиб, таҳлил қилиб борилмоқда.

Таҳлил асносида бир қатор ноқонуний ҳолатлар юзага чиқди.

Жумладан, 2008 йил U-16 ва 2011 йил U-19 Осиё чемпионатларида Ўзбекистон терма жамоаси таркибида қатнашган Абдумутал Абдуллаев ўз туғилган санасини 19 сентябрь 1992 йил сифатида кўрсатган. Аслида эса бу футболчининг исми-шарифи туғилганлик ҳақидаги гувоҳномаси бўйича Нодир Тешабаев бўлиб, 1989 йил 4 октябрь куни туғилган. Айни пайтда бу футболчи ҳеч қайси жамоа таркибида тўп сурмаяпти.

2010 йил Тошкентда ўтган U-16 Осиё чемпионатида Ўзбекистон терма жамоаси таркибида тўп сурган Муҳаммаджон Абдуллаев ўз туғилган йилини 1994 йил сифатида кўрсатган. Бу футболчининг туғилганлик ҳақидаги гувоҳномасида таваллуд куни сифатида 23 ноябрь 1991 йил кўрсатилган. Муҳаммаджон Абдуллаев 2013 йили ўз исмини Расулжон Абдуллаевга ўзгартириб, Биринчи лигадаги “Хотира-72” жамоасида тўп суриб келган.

2012 йил U-16 Осиё чемпионатида ҳамда 2013 йил БААда ўтган U-17 ЖЧда Ўзбекистон терма жамоаси таркибида қатнашган Улуғбек Давлятов туғилган йилини 1996 йил сифатида кўрсатган. Аслида эса туғилганлик ҳақидаги гувоҳномаси бўйича унинг исми Нуриддин Ҳасанов бўлиб, 1994 йил 20 июль куни таваллуд топган. Бу футболчи шу пайтга қадар “Сурхон” жамоасида тўп суриб келган.

2012 йил U-16 Осиё чемпионатида Ўзбекистон терма жамоаси таркибида тўп сурган Зокир Аҳмадалиев ўз туғилган йилини 1996 йил сифатида кўрсатган. Аслида эса туғилганлик ҳақидаги гувоҳномаси бўйича бу футболчининг исми Дилшод Аҳмадалиев бўлиб, 1994 йил 2 ноябрь куни таваллуд топган. Бу футболчи “Бунёдкор” жамоасида тўп суриб келган.

Ҳасанов Бурҳон “Бухоро” клуби ёшлар жамоаси футболчиси. 2000 йил туғилган деб кўрсатилган. Аслида эса 1998 йил таваллуд топган.

Юқорида номлари тилга олинган футболчилар Ўзбекистон футбол федерацияси президенти Умид Аҳмаджонов томонидан бир умрга футболдан четлатилди.

"Ўзбекистон футбол федерацияси доимий равишда футболдаги ғирромликлар, ёш кичрайтиришлар ва ҳужжатларни сохталаштириш билан боғлиқ ҳолатларга қарши кураш олиб боради. Ўзбек футболидаги ҳар бир футболчини шахсан ўзим текшираман. Агар қонунбузарликлар аниқланса, қатъий равишда жазоланади. Ғирром футбол бизга керакмас.

Ўз ёшини кичрайтириб, чет элда тўп суриб юрган футболчилар ҳақида ҳам менда барча маълумот бор. Тез орада улар ҳақида ҳам батафсил маълумотлар эълон қилинади ва тегишли чоралар кўрилади.

Шунингдек, футболчиларни чет давлатларга сотиш бўйича қоидабузарликка йўл қўйган, катта пул ишлаш мақсадида, футболчини ғирромликка қўл уришга мажбур қилган футбол агентлари ҳақида маълумотлар тўпланган. Бу маълумотлар ҳам тез орада федерация расмий сайтида эълон қилинади ва уларга тегишли жазолар тайинланади", - дейди ЎФФ президенти Умид Аҳмаджонов.


Манба: the-uff.com


InterFutbol.uz нинг Telegram даги саҳифасига уланинг – энг сўнгги янгиликлар, қизиқарли блоглар ва таҳлилий материаллар энди бир тўпламда.

Оммабоп мақолалар

Хабарингиз борми

Чемпионатлар

тўлиқ жадвал »

Кун фотоси

«ИНТЕРФУТБОЛ» газетасининг 25-сентябрдаги сешанба сони

  • ЎФФ ва ПФЛнинг янги раҳбарияти олиб бораётган ислоҳотларга қандай баҳо берасиз?


«ИнтерФУТБОЛ» газетасининг расмий сайти.
Гувоҳнома № 0149. Берилган санаси: 25.06.2008 Муассис: «ИНТЕРФУТБОЛМЕДИА» МЧЖ.
Бош муҳаррир: Аҳадхон АБДУҲАМИТОВ.
Таҳририят манзили: 160400, Косонсой шаҳри,Чорбоғ кўчаси, 17-уй.
Электрон манзил: info@interfutbol.uz