Испания чемпионати 18-туридан ўрин «Барселона» ҳамда «Леванте» ўртасидаги учрашув ўз поёнига етди.

Кутилганидек, мезбонлар назорати остида ўтган баҳсда 3:0 ҳисоби қайд этилди. 12-дақиқада Месси ҳаводан тўпни Альбага етказиб, ўзи очилди ва қайтариб берилган тўпга оҳиста зарба йўллаб, ҳисобни очди.

Иккинчи гол ҳам худди бириниси каби бўлди. Қанотдан Серхи Роберто томонидан етказиб берилган тўпни Суарес кучли зарба билан дарвозага жойлаб қўйди.

Иккинчи бўлимнинг сўнгги сонияларигача ҳар икки жамоада ҳам етарлича вазиятлар бўлишига қарамай, ҳисоб ўзгармай қолаётганди. Аммо ҳакам томонидан қўшиб берилган дақиқаларининг сўнггисида Месси ажойиб тарзда рақиб ҳимоячиларини кетма-кет алдаб, тўпни очиқ дарвоза қаршисида ёлғиз қолган Паулиньога етказди ва бразилиялик футболчи ҳисобни йирик кўринишга келтирди.

ИСПАНИЯ ЧЕМПИОНАТИ. 18-ТУР

БАРСЕЛОНА – ЛЕВАНТЕ 3:0 (2:0)

7 январь, «Камп Ноу»

Голлар: 1:0 – 12 Месси, 2:0 – 38 Суарес, 3:0 – 90 Паулиньо.

Барселона: тер Стеген, Вермален, Маскерано, Альба, Паулиньо, Серджи Роберто (Хосе Арнаис, 85), Иньеста (Андре Гомеш, 76), Ракитич, Дембеле (Нелсон Семеду, 67), Месси, Суарес.

Леванте: Оласабаль, Кабако, Луна, Мур, Постиго, Лерма (Робер, 62), Лукич, Дукуре, Джейсон (Саму, 83), Иви Лопес, Боатенг (Нано, 74).

Огоҳлантиришлар: Лерма (8), Постиго (31), Боатенг (70), Робер (84).