Испания чемпионатининг 19-туридан ўрин олган «Реал» – «Вильярреал» учрашуви ўз ниҳоясига етди. «Сантьяго Бернабеу»да бўлиб ўтган учрашувда меҳмонларнинг қўли баланд келди.

Ўйин буткул мезбонлар ташаббуси остида кечди, айниқса биринчи бўлимда мадридликларда гол уриш учун бир нечта вазиятлар юзага келди. Бироқ «Реал»  футболчилари улардан самарали фойдалана олмадилар.

Иккинчи бўлим дебютида меҳмонлар ҳам бироз ўйинларини кучайтирдилар, бироқ асосан ҳимояга эътибор қаратдилар.

Учрашув 87-дақиқадаси ўтиб бораётган бир вақтда «Вильярреал» қарши ҳужумга ўтиб кетди, Энес Уналнинг дастлабки зарбасини Кейлор Навас қайтаришга эришди, бироқ қайтган тўпни Пабло Форнальс посбон устидан ошириб дарвозага жойлаб қўйди.

Шу тариқа, «Реал» навбатдаги муҳим очколарни бой берди.

ИСПАНИЯ ЧЕМПИОНАТИ. 19-ТУР

РЕАЛ МАДРИД – ВИЛЬЯРРЕАЛ 0:1 (0:0)

Гол: 0:1 – 87 Форнальс.

Реал Мадрид: Навас, Варан, Марсело, Карвахаль, Начо, Иско (Васкес, 70), Каземиро, Модрич, Кроос, Бэйл (Асенсио, 70), Роналду.

Вильярреал: Асенхо, Альваро Гонсалес, Коста, Марио Гаспар, Бонера, Форнальс, Родри Эрнандес, Тригерос, Кастильехо (Рукавина, 83), Раба (Черышев, 46), Бакка (Унал, 76).

Огоҳлантиришлар: Бакка (44), Карвахаль (58), Васкес (89).