Хитойда бўлиб ўтаётган Осиё чемпионатининг чорак финалидан ўрин олган Япония ва Ўзбекистон терма жамоалари ўртасидаги учрашув ўз ниҳоясига етди. Унда 0:4 ҳисоби қайд этилиб, ҳамюртларимизнинг йирик ҳисобдаги ғалабаси билан тугади.

Учрашувни ўзбекистонлик футболчилар ҳужумкор руҳда бошладилар. Кетма-кет ҳужумлар 31-дақиқага келиб ўз самарасини берди. Жавоҳир Сидиқов жарима майдони ташқарисидан аниқ зарба йўллаб жамоамизни олдинга олиб чиқди.

Орадан тўрт дақиқа ўтиб, Достонбек Ҳамдамов қанотдан ёриб кирди ҳисобни 0:2 кўринишига келтириб қўйди. 39-дақиқа ўтиб борётган бир вақтда Жсурбек Яхшибоев рақиб жарма майдони ичида ҳимоячиларни ажойиб тарзда алдаб турнир безагига айланадиган голга муаллифлик қилди.

Иккинчи бўлим дебюти ҳам Ўзбекистон терма жамоаси учун омадли келди. 47-дақиқада майдон марказидан узатиб берилган тўпни Яхшибоев ҳимоячини алдаган ҳолда рақиб дарвозасига жойлаб қўйди ва жамоасининг тўртинчи, ўзининг эса иккинчи голни нишонлади.

Осиё чемпионати U-23
Чорак финал

Япония – Ўзбекистон 0:4 (0:3, 0:1)
Голлар: 0:1 – 31,Жавоҳир Сидиқов, 0:2 – 34 Достонбек Ҳамдамов , 0:3 – 39 Жасурбек Яхшибоев , 0:4 – 47 Жасурбек Яхшибоев.