«Барселона» ниҳоят, мақсадига эришди - бразилиялик Фелиппе Коутиньони ўз сафига қўшиб олди. Нима, бу клуб афсонаси Андрес Иньестанинг даври тугаётганини англатадими?
Умид қиламизки, йўқ. Биринчидан, фахрий ярим ҳимоячи ва «Барса» ўртасида муддати чексиз шартнома бор. Иккинчидан, абадий «навқирон» Иньеста ҳамон «блауграна»да ўз ролига эга.
Қолаверса, буюк ижрочининг буюк йўлини назарда тутсак, мураббийлар уни шунчаки, четга суриб қўймасалар керак.
Асосий таркибга илк қадам
Иньеста «Барса»даги дебютини 2002 йили нишонлаган. Ўша вақт унинг ҳозирги ёш мухлислари ҳали дунёга келишмаган эди.
Эътиборлиси, тажрибали Луи ван Гал ёш иқтидорни илк марта Европа ЧЛ доирасидаги ўйинда синаб кўрганди. Аниқроғи, Андрес Бельгиянинг «Брюгге» клубига қарши учрашувда катта футболдаги юришини бошлаганди.
Рональдиньо ўринбосари
Мавсум-2003|2004га келиб, Иньеста майдонга нисбатан кўпроқ тушиш имкониятига эга бўлди.
У аввалига буюк Рональдиньо ўринбосари сифатида гавдаланди. Яна 2 йилдан кейин эса бразилиялик билан елкама-елка турганча тўп сурди. Иньеста «роял»ни кўтариб юрар, Роналдиньо эса «оҳанг» танларди.
Шу орада таркибга Деку қўшилганида ҳам, ёш Андрес ўз ўрнини йўқотмади. Хави жароҳатланиб, маълум муддатга сафдан чиққанида эса, майдон марказида бош диспетчер функцияси айнан Иньеста зиммасига тушди.
Дебют гол
Қаҳрамонимиз «Барса»даги голлари ҳисобини 2004 йилнинг январида «Леванте»га қарши кечган Испания кубоги доирасидаги ўйинда очиб, каталонияликнинг 3:1 кўринишидаги ғалабаларига ҳисса қўшди. У ўшанда учрашувнинг 4-дақиқасида гол урганди.
ЧЛдаги ғалаба
2005 йили «Барселона» ва «Арсенал» ўртасида кечган финал драматик тус олиб, якунда каталонияликлар ғалабани тантана қилишди - 2:1. Иньеста ўша ўйинга танаффусдан кейин қўшилганди.
У ҳал қилувчи баҳсда гол урмаган ёки ассистентлик қилмаган бўлсада, Франк Райкаард томонидан тузилган ажойиб жамоанинг муҳим ижрочиси сифатида кўзга ташланди.
ЧЛда урилган ҳал қилувчи гол
«Барселона» ЧЛ-2008|2009 ярим финалида «Челси»га тўқнаш келди. «Камп Ноу»даги илк ўйинда нурсиз (голсиз) дуранг қайд этилди, жавоб баҳсида эса лондонликлар узоқ вақт ҳисобда олдинда боришди ( гол муаллифи - Микаэль Эссьен). 90+3-дақиқага келиб, айнан Иньеста мувозанатни тиклади ва унинг аниқ зарбаси туфайли Хосеп Гвардиола жамоаси финалга йўл олди.
Чемпионлик голи
Испания термаси 2010 йили ўз тарихида илк марта жаҳон чемпиони бўлди. Висенте дель Боске жамоаси ЖАР мундиалида айнан Иньестанинг финалдаги ягона голи эвазига «олтин» тусга кирди.
Андрес бу сафар қўшимча бўлимда ўзини кўрсатиб, Голландия термасини аламда қолдирганча испан футболи тарихидан жой олди.
Месси ва Роналдудан яхши
2012 йили ёзда УЕФА Иньестани йилнинг энг яхши футболчиси сифатида эътироф этди. У сўровда «ўзга сайёралик»лар - Лионель Месси ва Криштиану Роналдуни ортда қолдирганди.
30та соврин
«Барселона» ўтган йилнинг май ойида Испания кубоги финалида «Алавес»дан устун келди ва Иньестанинг клуб билан ютган совринлари сони 30тага етди.
Айни пайт Лионель Месси ҳисобида ҳам шунча сов-рин бор. Хуллас, Андрес ва Лео бу борада «Барселона» рекордчиларига айланишди.
Иньестанинг «Барселона»да қўлга киритган совринлари
Испания чемпионати олтин медали - 8та
Испания суперкубоги - 7та
Испания кубоги - 5та
ЧЛ кубоги - 4та
Европа суперкубоги - 3та
Клублар ўртасидаги ЖЧ олтин медали - 3та
Лионель Мессининг «Барселона» билан боғлиқ совринлари рўйхати ҳам худди шундай.
Ҳ.МАСАИДОВ
Манба: www.interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20