УЕФА мавжуд фэйр-плей қоидаларини янада такомиллаштириб, «Манчестер Сити» ва «ПСЖ» клубларини бошқариш истагида.

Ташкилот вакиллари ўтган трансфер ойнасида «ПСЖ» клубининг Неймар ва Мбаппе учун 400 миллион евро атрофида сарф қилганидан ҳавотирда. Бундан ташқари парижликларнинг бу ҳаракатларидан топ-клублар: «Бавария», «Ювентус», «Реал» ва «Барселона» УЕФАга норозилик билдирмоқда.

Фэйр-плейнинг қоидаларига қўшимчалар Европадаги клубнинг молиявий ишларини кузатишда ёрдам беради. Футболчиларни сотиб олишдаги фарқ 100 миллион евродан ошиши мумкин эмас бўлади. Агарда бу қоида шу йили амал қилганда, «ПСЖ» клуби Неймар ва Мбаппени сотиб олиши учун ўзининг 300 миллион евролик футболчилар сотиши лозим бўлади.

Янги қўшимчаларда энди УЕФА клубларнинг қарзларини ҳам кузатишни режалаштирмоқда. Бундан ташқари, бир жамоада 25 тадан кўп ўйинчи бўлмаслигини ҳам кўриб чиқишмоқда. Унга кўра «Челси» ва «Манчестер Сити» клублари бирданига 50-60 футболчи билан шартнома туза олмайди.

Ушбу қоидалар УЕФА томонидан 2018 йилнинг май ойида кўриб чиқилиб, тасдиқланса 2018/19 мавсумда амал қилинади.