Ўзбекистон олимпия терма жамоаси бош мураббийи Равшан Ҳайдаров Осиё чемпионатининг ярим финал босқичидан ўрин олган Жанубий Кореяга қарши ўйиндан кейин ўз фикрларини билдириб ўтди.

"Шогирдларим қўлларидан келган барча ишни қилишди. Ушбу ёшдаги терма жамоа тарихида энг яхши натижа қайд этдик. Футболчилар чарчаган бўлсаларда, биз жисмоний ва тактик жиҳатдан кучли эдик".

"Жанубий Корея — кучли терма жамоа. Бу ҳақда ўйиндан олдан футболчиларга айтгандим. Иккита қўшимча бўлимларда ҳаракат қилиш анча оғир бўлди. Шунга қарамай, футболчилар характер ва индивидуал маҳорат намойиш қилишди. Ўйлайманки, биз ғалабага муносиб эдик".

"Ўз шогирдларимга раҳмат айтишни истардим. Бугун жуда қийин ўйин ўтказдик. Биз учрашувнинг бошидан охиригача ўйинни назорат қилдик, тўп назорати биз томонда бўлди. Ўз оиламиз ва мухлисларимиз учун ғалаба қозондик".

"Мураббий сифатида шуни айтишим мумкинки, биз рақибга нисбатан яхши ўйнадик. Бир киши кам бўлиб қолганидан кейин Корея терма жамоасига қийин бўлди. Аммо бу нарса баҳснинг боришини кескин ўзгартириб юбормади. Боиси, биз шундоқ ҳам ўйинни назорат қилаётгандик", — деди Равшан Ҳайдаров.