2018 йилги мавсумда Суперлигада иштирок этадиган жамоалар номи маълум бўлди. Тўғрисини айтсам, ПФЛ расмий сайти берган хабарни ўқиб оғзим ёпилмай қолди.
Сабаби, ЎФФ "Нефтчи" ва "Сўғдиёна"ни "қутқариш учун "Машъал"ни қурбон қилди. Мамлакатнинг энг рақобатбардош жамоаларидан бири ҳисобланган жамоа янги мавсумда Про Лигани қозонида қайнайди. Хўш, "Машъал" нега иштирок этмайди? Сабаб сифатида жамоанинг футзал жамоаси, базаси ва стадиони талабга жавоб бермаслиги кўрсатилди. Бу ерда спорт принциплари кўринмаяпти. ЎФФ раҳбарининг режаларига тезкари бўлган амаллар бажарилмоқда, назаримда. Сабаби Суперлига савиясини оширамиз деган баландпарвоз гаплар "газчилар"нинг четлатилишидан сўнг чўпчакка ўхшаб кўрина бошлади.
Умуман таркиби йўқ "Нефтчи"ни мавсум бошланишига 1 ой қолганида элитага олиб чиқиб, ўз олдига совриндор бўлишни мақсад қилиб қўйиб, таркибини сезиларли даражада кучайтирган "Машъал"нинг кўксидан итариб юборилиши қайси мантиққа тўғри келади? "Нефтчи" бу йил "Пахтакор" ёки "Насаф"га рақобат туғдира оладими? Водийлик мухлисларга хурмат сақлаган холда айтаман: вазиятга реал қарайлик, бир мавсум яна ҳавасга ўтиб кетади.
Сиз Суперлигани нимани эвазига кучайтирмоқчисиз? Чиройли стадион, футзал ва аёллар жамоалари элитанинг савиясини кўтариб бўлмайди. Ички чемпионатдаги рақобатни кучайтирмасдан Ўзбекистонни мундиалга олиб чиқа олмаймиз. Клубларни савияси муҳим, рақобат муҳим, ўтган йилги мавсумдаги натижадан илҳомланиб бюджетини 40 млрддан оширган "Машъал" шунчаки тушуриб юборилди. Кўриб турган эдингиз, клубга тегишли стадионда ўтган мавсумда ёнғин келиб чиққан ва шундан сўнг стадион босқичма босқич таъмирлаб келинаётган эди, асосийси майдон майсаси хатто "Бунёдкор" стадиони чимидан яхши! Буни инкор этиб бўлмайди! Клубда Ўзбекистондаги энг кучли академия бор эди, клуб базаси ҳам қониқарсиз ахволга келиб қолмаган. Хуллас, мана шу бор жиҳатларни инобатга олганда, бу жамоа имкон беришга арзийди.
Бизнинг "Нефтчи" ва "Сўғдиёна" қолишига қаршилигимиз йўқ, бундан хурсанд бўлдик, аммо "Машъал"нинг қудратини ва "Цементчи"нинг меҳнатларини қадрлаб Суперлигада бу мавсумда 14 та жамоа иштирок этишига қўйиб бериш адолатли қарор бўлар эди. Акс холда Суперлигада яна ўша эски қўшиқ янграйди, фақат мусиқаси бошқача бўлади...
Сувонқул КАМОЛОВ, Муборак шаҳри
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20