Англия футболи бош лигасида энг катта маошга эга футболчилардан тузилган рейтингнинг энг юқори нуқтасида Алексис «қизил иблис» Санчес турибди. Қойилмисиз? Ҳа, чилилик ҳужумчининг «Арсенал»дан «МЮ»га ўтгани ҳали кўп муҳокама қилинади. Биринчидан, унинг трансфери қишки бозорнинг энг йирик келишуви бўлди. Иккинчидан, Англия ОАВ маълумотларига кўра, «Юнайтед»нинг янги вакили мисли кўрилмаган миқдорда маош олади. Аниқроқ айтсак, бирданига 4,5 йиллик шартнома остига имзо чеккан Алексиснинг ҳафталик моянаси чамаси 500 минг фунт стер-линг (бонуслар билан)га тенг.
АПЛда энг кўп маош олувчи футболчилар рейтингида чилиликнинг янги клубдошлари кўп ва бунда ажабланадиган томони йўқ. Хусусан, иккинчи йирик маош Поль Погбага тегишли - 290 минг фунт (ҳафтасига). Рўйхатнинг 3-4 ва 8-ўринларига ҳам «МЮ» вакиллари жойлашишди - Ромелу Лукаку (250 минг), Златан Ибрагимович ҳамда Давид де Хеа (220 мингдан). Топ-10да «Челси»дан 2 нафар футболчи бор - бельгиялик Эден Азар ва испаниялик Сеск Фабрегас ҳафтасига 220 минг фунтдан олишади. «Манчестер Сити» бош голеадори Серхио Агуэронинг 7 кунлик иш ҳақи ҳам айнан 220000 фунтни ташкил қилади. Саутгемптондан «Битлз» ватанига кўчиб ўтиш асносида дунё футболининг энг қимматбаҳо марказий ҳимоячисига айланган Виржиль ван Дейкнинг шартномада кўрсатилган ҳафталик маоши 180 минг фунтга тенг. Мавсум бошида «Лион» либосини «Арсенал»ники билан алмаштирган франциялик Александр Лаказетт 10-ўринда (170 минг фунт). Қизиғи, Англия терма жамоаси умиди ва 2017 йилнинг англиялик энг яхши футболчиси Гарри Кейнга топ-10дан жой топилмади. «Тоттенхэм» етакчиси ҳафтасига 120 минг фунтлик маошга кўнмоқда.
Шу жойда алоҳида айтиш жоиз, аслида футболчилар маошига боғлиқ маълумотлар кўп ва рақамлар баъзида бир-бирига тўғри келмайди. Мисол учун, айрим манбаларда қайд этилишича, «Манчестер Сити» етакчиси Кевин де Брюйненинг ҳафталик иш ҳақи 280 минг фунт стерлингга тенг. Агар шу маълумот тўғри бўлса, бельгиялик ярим ҳимоячи мазкур рейтингнинг 3-ўрнида туриши керак. Шунингдек, яна бир «шаҳарлик» - Яя Туренинг7 кунда 220 минг фунт олиши ёзилган. Арманистонлик энг яхши футболчи Генрих Мхитарян эса «Арсенал»да ҳафтасига 170 минг фунт эвазига ўйнар экан. Қисқаси, бу борада аниқ рейтинг тузиш бироз қийин. Аммо Алексис Санчеснинг 7 кунда бонуслар билан бирга ярим миллиард фунт олишию, маош рейтингида ҳаммадан анча ўзиб кетгани айни ҳақиқат.
Абдуллохон Исроилхонов тайёрлади
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20