Қайднома

Қидирув

Сотиб олмоқчимисиз, марҳамат – Месси - 700 миллион, Пике - 500 миллион…

Сотиб олмоқчимисиз, марҳамат – Месси - 700 миллион, Пике - 500 миллион…

  06.02.2018 00:22
  0
  1825
Сотиб олмоқчимисиз, марҳамат – Месси - 700 миллион, Пике - 500 миллион…

Ҳа, «Барселона» эндиликда ўз юлдузларини авайлаб-асраш чораларини кўрмоқда.

Неймар «ПСЖ»га йўл олганидан сўнг Каталония гранди раҳбарияти футболчиларнинг шартномаларида кўрсатилган товон пули миқдорини кескин равишда оширди, оширмоқда.

ПИКЕ ВА РОБЕРТО УЧУН МИЛЛИАРД ЕВРО

«Барселона» қишки трансферлар пайти Филиппе Коутиньо (120 миллион евро + 40 миллион бонус шаклида) ва Йерри Мина (11,8 миллион евро)ни сотиб олди.

Клуб шунинг баробарида ўйинчилар билан тузилган амалдаги шартномалар муддатини узайтиришга ҳам катта эътибор қаратмоқда. Айтиш мумкинки, раҳбарият бунга асосий вазифа сифатида қараб, шу масалада фаол иш олиб бормоқда. Натижада таркибдаги футболчилар бирин-кетин янги келишув остига имзо чекишмоқда.

Хусусан, январда Жерар Пике ва Серхи Роберто билан ўртадаги битим янгиланди. Ҳар иккиси 2022 йилгача мўлжалланган шартномага кўнди. Эътиборлиси, улар учун белгиланган товон пули миқдори тенг - 500 (ҳа-ҳа, беш юз) миллион евро.

Яқин орада Самуэль Юмтити шартномаси ҳам янгиланса керак.  Зеро, айни пайт унинг келишувида кўрсатилган товон пули миқдори жуда кам - атиги 60 миллион евро.

«АНТИШАЙХ ЧОРАЛАРИ»

Бразилиялик юлдуз билан боғлиқ август воқеалари каталонияликларга жуда оғир ботган кўринади. Ҳа, клуб Париж томон «қочган» Неймар эвазига мисли кўрилмаган даражада кўп пул олди - 222 миллион евро бир неча истиқболли трансферни амалга ошириш имкониятини берди.

Бироқ мегаюлдузнинг кетгани катта йўқотиш сифатида баҳоланмоқда, барибир. Қолаверса, бундай ҳолат «Барса» нуфузига тўғри келмайди. Шунинг учун ҳам, жамоа раҳбарлари товон пули масаласига жиддий ёндаша бошладилар.

Айтишларича, Лионель Месси билан ноябрь ойида тузилган янги шартнома ёздаёқ тайёрланган ва унда кўрсатилган қўйиб юбориш суммаси 300 миллион еврога тенг эди. Бироқ кейин Неймарнинг «буюк оғиши» кузатилгач, клуб президенти Хосеп Бартомеу зудлик билан келишувни қайта кўриб чиққан ҳамда товон пули миқдорини бирданига 700 миллион еврога оширган.

Хуллас, энди аргентиналикнинг шартномасида қайд этилган рақамлар ҳар қандай сахий харидорни ҳам жиддий ўйлантириб қўйиши тайин. Испанияда «Барселона» президентининг ушбу  тактикасини «Антишайх чоралари» сифатида баҳолашмоқда.

Дейлик, 2016 йилнинг ёзида жамоа таркибига қўшилган футболчилар учун белгиланган товон пули миқдори 100 миллион евродан ошмаганди.

Андре Гомеш ва Пако Алькасер билан келишувлар бунга мисол. Лекин энди умумий қоидалар ўзгарди ва «Барселона»нинг янги юлдузлари - Усмон Дембеле ҳамда Филиппе Коутиньо ўз шартномаларининг товон пули бандида катта рақамларни кўришди - 400 миллион евро.

ТОВОН ПУЛИ

«Барселона»даги умумий ҳолатни яққолроқ тасаввур қилиш учун футболчиларнинг шартномалари ва уларда қайд этилган товон пули миқдорини яхлит жадвалда келтириш мақсадга мувофиқ.

Мақолага илова шаклида берилган жадвалга қараб, Каталония клуби юлдузларини сотиб олиш нақадар мушкул вазифа эканлигини осонгина тушуниш мумкин.

«Барселона»нинг шартномалар варақаси

Футболчи

Шартнома

муддати

Товон пули

Марк-Андре тер Штеген

2022 йил

180 млн. евро

Яспер Силлессен

2021 йил

60 млн. евро

Нелсон Семеду

2022 йил

100 млн. евро

Серхи Роберто

2022 йил

500 млн. евро

Алейш Видаль

2020 йил

60 млн. евро

Жерар Пике

2022 йил

500 млн. евро

Йерри Мина

2023 йил

100 млн. евро

Самуэль Юмтити

2021 йил

60 млн. евро

Томас Вермален

2019 йил

80 млн. евро

Хавьер Маскерано*

2019 йил

100 млн. евро

Хорди Альба

2020 йил

150 млн. евро

Люка Динь

2021 йил

60 млн. евро

Иван Ракитич

2021 йил

125 млн. евро

Андре Гомеш

2021 йил

100 млн. евро

Серхио Бускетс

2021 йил

200 млн. евро

Паулиньо

2021 йил

120 млн. евро

Андрес Иньеста

Муддатсиз

125 млн. евро

Филиппе Коутиньо

2023 йил

400 млн. евро

Денис Суарес

2020 йил

50 млн. евро

Рафинья

2020 йил

75 млн. евро

Усмон Дембеле

2022 йил

400 млн. евро

Жерар Деулофеу

2019 йил

20 млн. евро

Пако Алькасер

2021 йил

100 млн. евро

Луис Суарес

2021 йил

200 млн. евро

Лионель Месси

2021 йил

700 млн. евро

* - Маскерано жамоа билан хайрлашди.

Ҳ.Масаидов тайёрлади.


Манба: www.interfutbol.uz


InterFutbol.uz нинг Telegram даги саҳифасига уланинг – энг сўнгги янгиликлар, қизиқарли блоглар ва таҳлилий материаллар энди бир тўпламда.

Оммабоп мақолалар

Хабарингиз борми

Чемпионатлар

тўлиқ жадвал »

Кун фотоси

Чемпионлар давраси

  • ЎФФ ва ПФЛнинг янги раҳбарияти олиб бораётган ислоҳотларга қандай баҳо берасиз?


© "Interfutbol.UZ". © 2006-2018. Мобил версия
Сайт материалларидан тўлиқ ёки қисман фойдаланилганда веб-сайт манзили кўрсатилиши шарт!
Барча ҳуқуқлар амалдаги қонунчиликка биноан ҳимояланган.