31 январь. Англия премьер-лигаси. 25-тур. «Тоттенхэм» - «МЮ». 10-11-сониялар оралиғи. Ҳисоб - 1:0. Гол муаллифи - Кристиан Эриксен.
Ҳа, даниялик ярим ҳимоячи муҳим ўйинда АПЛ тарихидаги энг тезкор голлардан бирини урди. Аниқроқ айтсак, «шпорлар» вакили бу борадаги рейтингнинг 3-ўрнидан жой олди.
Диққатга сазовор томони, чемпионатдаги энг тезкор гол ҳам айнан «Тоттенхэм»га тегишли: Ледли Кинг 2000 йили «Брэдфорд»га қарши кечган сафар ўйинининг 9,9-сониясидаёқ ҳисобни очганди.
Кристиан Эриксен голига таъриф
Даниялик футболчи ўйинни роса соғинган экан, пачакилашиб ўтирмай, 11-сониядаёқ рақиб дарвозасини ишғол қилиб қўя қолди. Чунончи, у жароҳат сабаб, маълум муддат майдонга тушолмаганди.
Хуллас, чиройли қайтиш. Айтиш жоиз, илк самарали ҳужумда «Тоттенхэм» олдинги чизиғининг барча юлдузлари иштирок этишди: Гарри Кейн ҳаводаги тўп учун курашда устун келди, Деле Алли товони билан нафис узатмани амалга оширди, Эриксен эса нозик зарба йўллаб, Давид де Хеага заррача имконият қолдирмади.
Эҳтимол, бу энг тезкор голлар орасида эстетик томондан энг чиройлисидир. Ҳисоб очилган пайт «МЮ» мухлислари жойларига тузукроқ ўрнашиб олишга ҳам улгуришмаганди.
Жозе Моуриньо чинакам «шок» ҳолатида, бироқ ўша оқшом «Уэмбли»ни бегонанинг қайғуси ташвишга солармиди? Муҳими, Эриксеннинг чақмоқ мисоли тезкор голи якуний натижа билан янада гўзаллашди - 2:0.
Англия премьер-лигаси тарихида кузатилган 8та энг тезкор гол
Т|р. |
Футболчи (клуби) |
Вақт |
Йил |
Ўйин (ҳисоб) |
8. |
Хесус НАВАС («Манчестер Сити») |
13,8-сония |
2013 |
«Манчестер Сити» - «Тоттенхэм» (6:0) |
7. |
Асмир БЕГОВИЧ («Сток Сити») |
13,3-сония |
2013 |
«Сток Сити» - «Саутгемптон» (1:1) |
6. |
Крис САТТОН («Блэкберн») |
13,1-сония |
1995 |
«Эвертон» - «Блэкберн» (1:2) |
5. |
Дуайт ЙОРК («Астон Вилла») |
13-сония |
1995 |
«Ковентри Сити» - «Астон Вилла» (0:3) |
4. |
Марк ВИДУКА («Лидс») |
11-сония |
2001 |
«Чарльтон» - «Лидс» (1:2) |
3. |
Кристиан ЭРИКСЕН («Тоттенхэм») |
10,5-сония |
2018 |
«Тоттенхэм» - «МЮ» (2:0) |
2. |
Алан ШИРЕР («Ньюкасл») |
10,4-сония |
2003 |
«Ньюкасл» - «Манчестер Сити» (2:0) |
1. |
Ледли КИНГ («Тоттенхэм») |
9,9-сония |
2000 |
«Брэдфорд» - «Тоттенхэм» (3:3) |
Абдуллохон Исроилхонов
Манба: www.interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20