Испания примероси 21-туридан ўрин олган «Леганес» - «Эспаньол» ўйинида футболда кам кузатиладиган воқеа рўй берди: Каталония клубининг 22 ёшли ҳимоячиси Марио Эрмосо ноёб «хет-трик» муаллифига айланди. Хуллас, 1928 йили асос солинган биринчилик тарихида футболчининг битта ўйин давомида ўз жамоаси дарвозасига 2та ва рақибникига 1та гол уриши илк марта кузатилди.
Ўйин хроникасига тўхталсак, Эрмосо 11-дақиқада ҳисобни очди - биринчи автогол. 82-дақиқага келиб, «Эс-паньол» ўз дарвозасидан 3-марта тўп олиб чиқди - яна автогол, яна бечора Эрмосо. Диққатга сазовор томони, ҳимоячи шунда ҳам олдинга бориш учун куч топди ва финал ҳуштаги янграшига оз фурсат қолганида «Леганес» дарвозасини ҳам ишғол қилди. Бироқ бошқасига имкон тополмади, улгурмади... Натижада «Эспаньол» 2:3 кўринишидаги мағлубиятни тан олди. Ҳа, Эрмосо энди ўзи учун ўша даҳшатли оқшомни бир умр унутолмаса керак.
Умуман олганда, Испания чемпионати тарихига қарасак, атиги 6 нафар футболчи автогол кўринишида «дубль» қайд этган, холос. Яъни Марио бу борада 6-футболчи бўлди. Аммо унинг ўтмишдаги қисматдошларидан ҳеч бири 2та автогол ёнига 1та чинакам гол қўшиб қўйган эмасди. Эрмосонинг жорий мавсумда илк марта рақиб дарвозасига йўл топганини ҳам қўшимча қилиш жоиз. У бунгача 17 марта майдонга тушганди. Эътиборлиси, 21-турнинг чин антиқаҳрамони «Эспаньол» сафига қўшилишидан олдин «Реал»нинг иккинчи жамоасида ўйнаган ва асосий таркибга кириш учун бош даъвогарлардан бири саналган. Бироқ «Реал» кейинчалик салоҳиятли ва истиқболли кўринган тарбияланувчисини атиги 400 минг еврога сотди. Табиийки, Эрмосонинг бундай «қаҳра-мон»лик билан «Мадрид»га қайтиши амри-маҳол...
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20