«Манчестер Юнайтед» клуби собиқ ярим ҳимоячиси Пол Инснинг фикрича, «Челси» клубида кузатилаётган муаммоларнинг сабаби икки мураббий Конте ва Моуриньонинг жанжалидир.

Эслатиб ўтамиз, тахминан бир ойлар муқаддам Конте ва Моуриньо ўз матбуот анжуманларида бир-бирига ҳар хил гапларни айтишди. Масалан Антонио «қалбаки», «масхарабоз» ва «одамча» деган ибораларни ишлатган.

Инснинг таъкидлашича, ушбу ишларда устаси фаранг Моуриньо топ-4лик учун киришда даъвогар бўлган рақибини барқарорликдан чиқаришга эриша олди. Шунинг оқибатида лондонликлар ўйинида камчиликлар пайдо бўлмоқда. Антонио ўзининг вазифаларини тўлақонли адо қилмаяпти.

«Антонио Конте Моуриньо билан оғзаки жангни бошлаганидан буён ишлари юришмаяпти. Ўзини йўқотиб қўйгандек ва олдинги Контега сира ҳам ўхшамайди. «Челси»даги аҳвол ҳам ёмонлашмоқда.

Шундай таасурот пайдо бўлмоқдаки, «Челси»да ҳамма барқарорликни йўқотган ва кўриниб турибдики Моуриньо Контени салбий тарафга ўзгартириб қўйди. Ўша жанжалдан кейин Конте ғамгин кўринмоқда ва фақатгина салбий энергия тарқатмоқда.

Топ даражаги мураббий бўлар экансан, сен ОАВ нима бўлаётганига аҳамият бермаслигинг лозим. Жамоа учун яхши кайфиятни сақлаб туришинг керак», - дейди Инс.