Бугун Қибрай тумани марказий стадионида мавсумга ҳозирлик кўраётган “Металлург” футболчилари Жиззахнинг “Сўғдиёна” жамоасига қарши назорат учрашувида майдонга чиқишди ва 1:1 ҳисобидаги дурангга имзо чекишди. Ўйин жиззахликларнинг ҳужумлари билан бошланди. Ўн-ўн беш дақиқа бекободликларнинг ҳужумлари қовушмади. Аммо ҳимоячиларнинг ҳушёр ўйнаши пойтахт вилояти вакилларининг ўзларига келиб олишларига ёрдам берди. Майдон марказини қўлга олган “Металлург” таянч ярим ҳимоячилари Зоҳид Абдуллаевни бир неча марта Дилшод Ҳамроев билан рандевуга чиқаришди. Шулардан 24-дақиқадаги вазиятдан жамоамиз тўпурари унумли фойдаланиб, ҳисобни очди. Биринчи тайм тугашига ўн дақиқа қолганда Абдуллаев шерикларининг қанотдан етказиб берган тўпини бош билан уриб, “Сўғдиёна” дарвозаси тўрига туширди. Бироқ бу вазиятда қанот ҳакамининг байроғи кўтарилиб турганлигини кўрган ҳакам голни инобатга олмади.
Танаффусдан кейин ҳудудий устунлик жиззахликлар томонига ўтди. 56-дақиқада ҳимоячи Аброр Ҳусинов Шоҳруз Норхоновга жарима майдони ичида тўпни тепиш имкониятини бермади. Шоҳруз эса йиқилиб тушди. Вазиятдан узоқда қолиб кетган бош ҳакам пенальти белгилади. Уни эса “Металлург”нинг собиқ пенальти тепувчиси Дилмурод Каримов бехато амалга оширди – 1:1.
Бекободликларда ҳам тез орада шунга ўхшаш вазият содир бўлди. Соҳибжамол Давлатжоновни жиззахликлар жарима майдонида йиқитишганда, ҳакам ўйинни давом эттиришга ишора қилди. Бу эса “Металлург”нинг ёш футболчисига ёқмади ва у ҳакамга очиқча эътироз билдириб, майдондан четлатилди. Шу боис майдонда қарийб 30 дақиқа бир киши кам бўлиб ўйнаган бекободликларнинг ютуққа эришишидан, мағлубиятга учраш эҳтимоли ошди. Аммо “Сўғдиёна” сон жиҳатидан устунликдан фойдалана олмади ва жамоалар битимга имзо чекишди.
“Металлург” – “Сўғдиёна” – 1:1 (1:0). “Қибрай” стадиони. 17.02.2018.
Ҳакамлар: С.Абдураҳмонов, Н.Афиногенов, С.Улфатов.
Назоратчи ҳакам: Р.Қоратоев.
Голлар: Зоҳид Абдуллаев 24, Дилмурод Каримов 56 (пенальти).
Четлатиш: Саиджамол Давлатжонов (63).
"Металлург": Никита Рибкин, Аброр Ҳусинов, Аббос Отахонов, Акбар Исматуллаев, Жасур Ҳасанов, Шаҳзод Шайманов, Павел Смоляченко, Муҳаммад Исаев, Суҳроб Нуруллаев, Ислом Исоқжонов, Зоҳид Абдуллаев.
Захира: Дилёрбек Ирматов, Саиджамол Давлатжонов, Худойшукур Сатторов, Андрей Шипилов, Павел Пуришкин, Забихилло Ўринбоев.
“Сўғдиёна”: Дилшод Хамроев, Акмал Холмуродов, Шохрух Холматов, Фарход Мирахматов, Элёр Орифов (с), Жаҳонгир Абдумўминов, Дониёр Ҳасанов, Азамат Исроилов, Умид Қодиров, Сардор Азимов, Андрей Сидоров.
Захира: Ширинбой Абдуллаев, Руслан Мелзиддинов, Сардор Қулматов, Иқбол Маликжонов, Дилмурод Каримов, Дониёр Одилов, Алишер Зиёвуддинов, Акром Бахриддинов, Иззатилла Абдуллаев, Шохруз Норхонов, Фарход Юсупов.
Манба: “Металлург” матбуот хизмати
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20