«Наполи» клуби ва Италия терма жамоаси ҳужумчиси Лоренцо Инсинье ўзининг паст бўйи туфайли болалигида футбол жамоаларига ўта олмаганини айтиб ўтди. Футболчининг бўйи 163 см. «Сан-Паоло» стадионида «Наполи» футболкасида ўйнаш ҳар доим орзум бўлган. Футболдан бошқа нарса ҳақида ўйламас эдим. Аммо улғайиб, турли жамоалар кўригидан ўтганимда - «Интер», «Торино» ва ҳатто «Наполи» клубларида скаутлар менга бир нарсани такрорлар эдилар. Аниқроғи - отамга. «У бизга ёқди, аммо унинг бўйи паст». Италияда одамлар тўғрисўз. Бўйим туфайли мени ҳеч қаерга олишмади. Техника, куч, тезлик... Сиз машқ қилиб кучайишингиз мумкин, аммо бўй? Нима қилишим керак эди? Ҳар кеча туни билан бўйим ўсиб қолишини истаб ухлар эдим. Аммо ҳеч қандай ўзгариш бўлмади. Отамга «бўлди, бас» дедим. Аммо у: «Хўп, яхши, аммо футболдан бошқа нима қилмоқчисан?» деди ва ўйимдан қайтдим. Маҳаллий мактабда шуғулланиб юравердим, 15 ёшимда «Наполи»да имконият беришди. Мана олти йилдан буён шу футболкани кийяпман, аммо гол урганимда худди биринчи марта гол ургандай ҳиссиётларни туяман»,-деди Инсинье.