Қайднома

Қидирув

Александр Зинченко: «Де Брюйнедан чиройлироқман»

Александр Зинченко: «Де Брюйнедан чиройлироқман»

  09.03.2018 03:37
  0
  443
Александр Зинченко: «Де Брюйнедан чиройлироқман»

«Манчестер Сити» клуби ва Украина терма жамоа­си аъзоси Александр Зинченко The Telegraph нашрига интервью берди. У аста-секин, лекин ишонч билан Хосеп Гвардиола механизмининг бир бўлагига айланиб бормоқда.

Александр эришган муваффақиятлар сабаби нимада? Рақобатчиларнинг жароҳати, бўш ўйиними ёки футболчининг ўзими? Бунга жавобни тез орада оламиз. Шу ўринда айтиш жоизки, Александр анча ҳазилкаш.

Раҳим Стерлинг, Илкай Гюндоган, Кевин Де Брюйне ва ҳаттоки, фахрий Фернандиньо ҳам Зинченко ҳазили «қурбон»и бўлишган. Украиналик футболчи Англияга келиши биланоқ, мухлислар унинг Де Брюйнега ўхшаши ҳақида гапиришди. Уни бир неча бор Кевин билан алиштириб қўйишди.

«Ишонаверинг, бу гапларни доим эшитаман. Мени «Кев» дейишади. Автобусга чиқиб кетаётганимда мухлислар «Кевин, суратга тушсак майлими?» деб сўрашади.

Кейин ортимга бурилсам, «Оҳ, бу Кевин эмас-ку», дейишади. Узоқдан эгизакларга ўхшашимиз мумкин. Лекин ёнма-ён турсак, бундай эмас. Мен чиройлироқман», - дейди Зинченко.

Александр Донецкнинг «Шахтёр» клуби академиясида ўқиган. Лекин Украинадаги нотинч вазият туфайли унинг оиласи Россиянинг Уфа шаҳрига кўчиб ўтган. Зинченко эса «Уфа» клуби шарафини ҳимоя қила бошлаган. «Манчестер Сити» уни айнан шу жамоадан харид қилганди.

«Шахтёр»да қийин вазиятга тушиб қолганман. Ўшанда шартномам якунланишига икки йил қолганди. Донецкдагилар уни узайтиришларини айтишди.

Орзуим «кончилар»нинг асосий таркибида ўйнаш эди. Ўша пайтларда жамоа­да Фернандиньо, Дуглас Коста, Генрих Мхитарян... каби футболчилар тўп суришарди.

Украиналикларнинг асосий таркибига киришлари жуда мушкул бўлган. Лекин мен яна икки йил қоламан, дедим. Раҳбариятдагилар эса шартномамни узайтирмасам, ҳаттоки, ёшлар жамоасида ҳам ўйнай олмаслигимни айтишди.

Натижада қандайдир тўрт ой фақат югуриш билан вақт ўтказдим. Чунки машғулотлардан четлатишганди.

Мавсум охирида оилам нотинчлик туфайли Украинани тарк этди. Икки йил олдин «Шахтёр»нинг иккинчи жамоаси ёшлар ўртасидаги Чемпионлар Лигаси финалида «Челси»га имкониятни бой берди.

У айнан менинг ёш гуруҳим эди, таркибдагиларнинг барчасини танийман. Ахир беш йил бирга ўйнаганмиз.

Ўша жамоада ажойиб футболчилар бор. Улар Европанинг ҳар қандай клубида ўйнай олишади. Бироқ узоқ муддатли шартномалари туфайли олдинга қадам ташлаш имкониятидан маҳрум бўлишди.

Киевнинг «Динамо» клубида ҳам вазият шундай. Футболчилар кетишни исташса ҳам кета олишмайди», - дейди Зинченко.

А.ЭШОНХОНОВ тайёрлади


Манба: www.interfutbol.uz


InterFutbol.uz нинг Telegram даги саҳифасига уланинг – энг сўнгги янгиликлар, қизиқарли блоглар ва таҳлилий материаллар энди бир тўпламда.

Оммабоп мақолалар

Хабарингиз борми

Чемпионатлар

тўлиқ жадвал »
  • ЎФФ ва ПФЛнинг янги раҳбарияти олиб бораётган ислоҳотларга қандай баҳо берасиз?


«ИнтерФУТБОЛ» газетасининг расмий сайти.
Гувоҳнома № 0149. Берилган санаси: 25.06.2008 Муассис: «ИНТЕРФУТБОЛМЕДИА» МЧЖ.
Бош муҳаррир: Аҳадхон АБДУҲАМИТОВ.
Таҳририят манзили: 160400, Косонсой шаҳри,Чорбоғ кўчаси, 17-уй.
Электрон манзил: info@interfutbol.uz