Футбол бизнеси ҳақида муайян тушунчага эга мухлислар яхши билишади, клубларнинг даромад манбаи 3та йирик бўғиндан иборат - «Тижорат келишувлари» (ҳомийлар улуши), «ТВ-улуш» (трансляциялар ҳуқуқи сотуви) ва «Ўйин куни тушуми» (чипталар ва атрибутлар сотуви).

Шу уч йўналиш футболдаги асосий даромад булоғи экан, ҳар бир кучли клубнинг уларга ўта жиддий ёндашиши тайин.

Европанинг энг сердаромад жамоаларида ҳар бир йўналишда ишлар имкон қадар тўғри йўлга қўйилганини қуйидаги мақола орқали билиб олиш мумкин. Тўғри, мавсум-2016|2017нинг молиявий якунлари бўйича айтсак, 3та бўғин етакчилари бошқа-бошқа клублар...

Ўз ўрнида қўшимча қилиш жоиз, клубларнинг умумий даромадидан 45 фоизини ТВ-ҳуқуқлар улуши ташкил қилди. Ҳомийлар улуши эса 38 фоизга тенг ва қолган 17 фоиз даромад «Ўйин куни тушуми» ҳиссасига тўғри келди.

УМУМИЙ ДАРОМАД

Мавсум-2016|2017нинг энг сердаромад клуби - «МЮ». ЕЛ ғолибига айланган Жозе Моуриньо жамоаси ўтган мавсум 3та йўналиш бўйича жами 676,3 миллион евро топиб, «Реал Мадрид»ни бирозгина ортда қолдирди.

Аниқроқ айтсак, мадридликларда даромад миқдори 1,7 миллион евро кам. 3-ўринга жойлашган «Барселона»нинг умумий кўрсаткичи ҳам чакки эмас - 648,3 миллион евро.

*** Мавсумнинг энг сердаромад 20та клубидан тенг ярми, яъни 10таси Англия Премьер-лигаси иштирокчисидир.

Мавсум-2016|2017нинг энг сердаромад 20та клуби

1. «Манчестер Юнайтед» (Англия) - 676,3 млн. евро

2. «Реал» (Испания) - 674,6 млн. евро

3. «Барселона» (Испания) - 648,3 млн. евро

4. «Бавария» (Германия) - 587,8 млн. евро

5. «Манчестер Сити» (Англия) - 527,7 млн. евро

6. «Арсенал» (Англия) - 487,6 млн. евро

7. «ПСЖ» (Франция) - 486,2 млн. евро

8. «Челси» (Англия) - 428 млн. евро

9. «Ливерпуль» (Англия) - 424,2 млн. евро

10. «Ювентус» (Италия) - 405,7 млн. евро

11. «Тоттенхэм» (Англия) - 355,6 млн. евро

12. «Боруссия» Д. (Германия) - 332,6 млн. евро

13. «Атлетико» (Испания) - 272,5 млн. евро

14. «Лестер» (Англия) - 271,1 млн. евро

15. «Интер» (Италия) - 262,1 млн. евро

16. «Шальке» (Германия) - 230,2 млн. евро

17. «Вест Хэм» (Англия) - 213,3 млн. евро

18. «Саутгемптон» (Англия) - 212,1 млн. евро

19. «Наполи» (Италия) - 200,7 млн. евро

20. «Эвертон» (Англия) - 199,2 млн. евро

«ТВ-УЛУШ»

Футбол клубларининг асосий даромад булоғи саналган «ТВ-улуш» (телетрансляциялар сотуви) йўналишида 2та жамоа етакчилик қилди - «Реал Мадрид» ва «Манчестер Сити». Улар мавсум-2016|2017 якунига кўра, 236,8 миллион евродан олишди.

Бу йўналишнинг учинчи сердаромад жамоаси - «Арсенал». «Канонирлар»нинг улуши етакчиларникидан атиги 2,1 миллион евро кам, холос (234,7 миллион евро. Шунингдек, 4-поғонадан жой олган «Ювентус»да ҳам даромад миқдори чакки эмас - 233,5 миллион евро.   

*** Топ-7га қарасак, АПЛдан 5та жамоа бор, «Барселона» бу йўналишда атиги 8-яхши кўрсаткичга эга.

«ТВ-улуш» йўналиши бўйича

1. «Реал» - 236,8 млн.евро

    «Манчестер Сити» - 236,8 млн. евро

3. «Арсенал» - 234,7 млн. евро

4. «Ювентус» - 233,5 млн. евро

5. «Манчестер Юнайтед» - 225,9 млн. евро

6. «Лестер» - 222 млн. евро

7. «Тоттенхэм» - 219 млн. евро

8. «Барселона» - 214,3 млн. евро

9. «Челси» - 189,1 млн. евро

10. «Ливерпуль» - 182,5 млн. евро

11. «Саутгемптон» - 166,4 млн. евро

12. «Атлетико» - 161 млн. евро

13. «Эвертон» - 151,9 млн. евро

14. «Наполи» - 147 млн. евро

15. «Бавария» - 146,7 млн. евро

16. «Вест Хэм» - 138,8 млн. евро

17. «Боруссия» Д. - 125,8 млн. евро

18. «ПСЖ» - 121,9 млн. евро

19. «Интер» - 103,8 млн. евро

20. «Шальке» - 82,3 млн. евро

ЖАҲОННИНГ ЭНГ ҚИММАТБАҲО ЖАМОАЛАРИ

Таркибдаги футболчиларнинг трансфер нархи (transfermarkt.de маълумотлари) бўйича

«Барселона»                        1 млрд. евро

«Реал»                       858 млн.

«Манчестер Сити» 782 млн.

«Челси»                     707 млн.

«МЮ»                        704 млн.

«Тотенхэм»               678 млн.

«ПСЖ»                       648 млн.

«Атлетико»               648 млн.

«Бавария»                643 млн.

«Ливерпуль»            586 млн.

«ТИЖОРАТ КЕЛИШУВЛАРИ»

Ҳомийлар билан ишлаш масаласида ҳали-ҳамон «Бавария»га тенг келадиган жамоа топилганича йўқ. Мюнхенликлар ўтган мавсум тижорат шартномалари ортидан нақ 343, 4 миллион евро топишди. «Манчестер Юнайтед» ҳам ҳомийлар кўнглини овлашга уста.

«Қизил иблислар»нинг бу йўналишдаги улушлари миқдори 325,2 милион еврога тенг. «Тижорат келишувлари» бўғинида 300 «лимон»лик довондан ошган яна бир клуб бор - «Реал» (301, 4 миллион евро). «Қироллик клуби»нинг ашаддий ва азалий рақиби «Барселона» эса 296,8 миллион еврога тенг улуш билан 4-ўринда.

*** «Бавария»нинг жами даромадидан нақ 58,4 фоизи айнан ҳомийлар улушига тўғри келди.

«Тижорат келишувлари» йўналиши бўйича

1. «Бавария» - 343,4 млн.евро

2. «Манчестер Юнайтед» - 325,2 млн. евро

3. «Реал» - 301,4 млн. евро

4. «Барселона» - 296,8 млн. евро

5. «ПСЖ» - 274,1 млн. евро

6. «Манчестер Сити» - 230,5 млн. евро

7. «Челси» - 162,7 млн. евро

8. «Ливерпуль» - 161,6 млн. евро

9. «Боруссия» Д. - 148,2 млн. евро

10. «Арсенал» - 136,5 млн. евро

11. «Интер» - 130,1 млн. евро

12. «Ювентус» - 114,4 млн. евро

13. «Шальке» - 94,6 млн. евро

14. «Тоттенхэм» - 83,9 млн. евро

15. «Атлетико» - 70,5 млн. евро

16. «Вест Хэм» - 41,2 млн. евро

17. «Наполи» - 34,3 млн. евро

18. «Эвертон» - 30,5 млн. евро

19. «Лестер» - 29,9 млн. евро

20. «Саутгемптон» - 19,6 млн. евро

«ЎЙИН КУНИ ТУШУМИ»

Учинчи рақамли даромад манбаи бўйича Испания грандлари олдинда: «Барселона» - 137,2 миллион евро ва «Реал» - 136,4 миллион евро. Умуман, бу йўналишда атиги 4та жамоа 100 «лимон» чегарасидан ўтган, холос. Дейлик, энг сердаромад 20та жамоа орасига кирган «Эвертон» ўйин кунлари бор-йўғи 16,8 миллион евро топади.

*** Умумий даромад рейтингида 1-ўринни эгаллаган «Манчестер Юнайтед» учинчи йўналиш бўйича 3-ўринда - 125,2 миллион евро. Бу жамоанинг умумий улушидан 18,5 фоизига тенгдир. 

«Ўйин куни тушуми» йўналиши бўйича

1. «Барселона» - 137,2 млн.евро

2. «Реал» - 136,4 млн. евро

3. «Манчестер Юнайтед» - 125,2 млн. евро

4. «Арсенал» - 116,4 млн. евро

5. «Бавария» - 97,7 млн. евро

6. «ПСЖ» - 90,2 млн. евро

7. «Ливерпуль» - 80,1 млн. евро

8. «Челси» - 76,2 млн. евро

9. «Манчестер Сити» - 60,4 млн. евро

10. «Боруссия» Д. - 58,6 млн. евро

11. «Ювентус» - 57,8 млн. евро

12. «Шальке» - 53,3 млн. евро

13. «Тоттенхэм» - 52,7 млн. евро

14. «Атлетико» - 41 млн. евро

15. «Вест Хэм» - 33,3 млн. евро

16. «Интер» - 28,2 млн. евро

17. «Саутгемптон» - 26,1 млн. евро

18. «Наполи» - 19,4 млн. евро

19. «Лестер» - 19,2 млн. евро

20. «Эвертон» - 16,8 млн. евро

Абдуллохон Исроилхонов тайёрлади