Германиянинг афсонавий дарвозабони, Европа чемпиони ва Жаҳон чемпионати кумуш медали совриндори Оливер Каннинг академияси ижрочи директори Мориц Маттес ва менеджери Роберт Ниеманн юртимизга ташриф буюришгани ҳақида аввал хабар бериб ўтгандик.
Германиялик мутахассислар бугун Ўзбекистон миллий олимпия қўмитаси президенти ва Ўзбекистон футбол ассоциацияси 1-вице-президенти Умид Аҳмаджонов билан учрашишди.
Учрашув давомида Умид Аҳмаджонов яқинда муҳтарам президентимиз Шавкат Мирзиёев томонидан имзоланган қарорга кўра юртимизда Ихтисослаштирилган Давлат мактаб-интернатлари базасида 14та ҳудудий болалар ва ўсмирлар футбол академиялари ва Ўзбекистон футбол ассоциацияси қошидаги Республика болалар ва ўсмирлар футбол академиясини ташкил қилиш белгилаб қўйилгани ҳақида айтиб ўтди. Мазкур академияларда Европанинг футболи ривожланган мамлакатлари академиялари тизимини жорий қилиш ва шу йўл орқали академия тарбияланувчиларини янгича замонавий услубда тайёрлаш асосий мақсад эканини таъкидлар экан, Германиянинг “Оливер Кан академияси” билан ҳамкорликни йўлга қўйиш айни муддао бўлишини айтиб ўтди.
Юртимиздаги академияларда кучли ва юқори савияли футболчиларни етишиб чиқишини таъминлашда “Оливер Канн академияси”нинг бой тажрибаси, замонавий услублари, самарали методикаси қўл келишини таъкидлаб ўтди.
Шунингдек, Умид Аҳмаджонов афсонавий дарвозабон Оливер Каннинг ўзини ҳам юртимизга таклиф қилди.
Мориц Маттес ва Роберт Ниеманн “Бунёдкор”даги академияга ташриф буюриб, у ердаги шарт-шароитлар, ўқитиш услублари билан яқиндан танишишади. Кейин юртимиздаги футбол академияларида замонавий услублардан фойдаланган ҳолда ўқув тизимини йўлга қўйиш борасида ўз таклифларини тақдим қилишади.
Манба: www.the-uff.com
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20