Футболимиз янгича тараққиёт йўлига тушиб олганидан хурсандмиз, албатта. Мана, Суперлига ўйинлари шиддат билан бошланди ва шундай давом этмоқда. Аммо баъзи жиҳатлар ҳам борки, улар кўнгилни хижил қилмоқда.
Биринчи навбатда, клубларимизнинг ОЧЛдаги иштироки. Қаранг, амалдаги чемпионимиз 4та ўйиндан 3тасини бой бериб ўтирса-я... Бу қанақаси? Ҳукуматимизнинг футболга кучли эътиборига жавоб шуми?
Ҳа, футболда зўрдан зўри чиқади, ҳамма ғалабага интилади. Аммо тан олайлик, 4та ўйинда 3 очко - бу «Локомотив»нинг асл имкониятию, ҳозирги таркибига мувофиқ эмас асло.
Айниқса, Тошкентда «Ал-Дуҳайл»га қарши кечган охирги ўйин ҳафсаламизни пир қилди. Айтиш мумкинки, жамоа шунчаки, профессионалликка беписанд қарагани оқибатида тайёр ғалабани қўлдан чиқарди.
Эсланг, Шуҳрат Муҳаммадиев охирги дақиқаларда жароҳатлангач, унинг ўрнига Салим Мустафоев туширилди. Бироқ дарҳол эмас, чамаси 3-4 дақиқадан кейин. Чунки захира вакиллари бамайлихотир ўтиришганди.
Мустафоев зарурат туғилганидан кейингина футболка кийганию, тўғри майдонга тушганини ҳам экран орқали кўрдик. Оқибатда айнан у кетма-кет икки марта қўпол хатога йўл қўйди ва...
Энди айтинг, профессионалликми бу? Захирачилар ҳар дамда тайёр туришмайдими? Бунда кимни айблаш керак - футболчиларними ёки мураббийни?
Шокиржон БАҲРИЕВ, Марғилон шаҳри.
Манба: www.interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20