Ўзбек футболи ҳамиша ўз дарвозабонлари билан ном қозонган. Жумладан жаҳон даражасидаги голкипер Юрий Пшеничников ҳам ўзбек футболи тарбияланувчисидир. Шунингдек, Ўзбекистонда Юрий Шейкин ҳам алоҳида маҳорати билан ажралиб турган. Тўғри, у жаҳон футболида айтарли ном қолдирмаган. Лекин 1994 йилги Осиё ўйинларининг ярим финал ва финал учрашувларида фантастик ўйинлари билан мухлислар қалбидан жой олган. Айнан ўша мусобақадан сўнг «Трактор»нинг танилмаган посбони ўзбекистонлик ва осиёлик футбол мухлисларининг кумирига айланганди.
Осиё ўйинлари-94 ярим финалидан ўрин олган Жанубий Корея термасига қарши учрашувда Шейкин ажойиб ўйин намойиш қилганди, дарҳақиқат. Ўшанда у ҳақиқий мўъжиза кўрсатган. Хуллас, Юрий ўз дарвозаси дахлсизлигини сақлаб қолган, Азамат Абдураимовнинг ягона голи эса Ўзбекистон термасини финалга олиб чиққанди.
Учрашувдан сўнг кореяликлар устози Анатолий Бишовец қуйидагиларни айтиб ўтганди: «Ўйиннинг расмий кўрсаткичларини келтириб ўтишим мумкин. Биз дарвоза томон 27та зарба йўлладик, улар 3та. Биз 20 марта бурчакдан тўп киритдик, улар 2 марта. Иккинчи қаватда 6-7та вазиятдан фойдалана олмадик. Рақиб дарвозабони Шейкин майдонда мўъжиза яратди. Шунингдек, ҳимоячилар ҳам ажойиб ҳаракат қилишди. Абдураимов эса дарвозамизни 30-35 метрлардан ишғол қилди. Тўп майдонга тегиб, дарвозабон қўллари устидан ошиб тўрдан жой олди».
Шунингдек, Шейкин Хитой термасига қарши финал учрашувида ҳам ўзини кўрсатганди. У жамоамизни бир нечта голдан қўтқариб қолган. Якунда термамиз 4:2 ҳисобида ғалаба қозониб, бош совринни қўлга киритганди.
Юрий Шейкин 1963 йилнинг 10 апрель куни Тошкентда туғилган. Футболчилик фаолиятини 1983 йили Хоразм вилояти Боғот туманининг «Наримончи» жамоасида бошлаган. Кейинчалик фаолиятининг асосий қисмини Тошкентнинг «Трактор» клубида ўтказган. Шунингдек, «Шахтёр» (Ангрен), МҲСК (Тошкент), «Машъал» (Муборак), «Зарафшон» (Навоий) жамоалари шарафини ҳам ҳимоя қилган. Ўзбекистон терма жамоасига 1994 йили жалб қилинган. У миллий терма сафида 8та ўйин ўтказиб, ўз дарвозасидан 4 марта тўп олиб чиққан. 1994 йилги Осиё ўйинлари ғолиби. 1996 йили МҲСК таркибида Ўзбекистон чемпионатининг бронза медалини қўлга киритган. 1994 йил якунларига кўра, «Ўзбекистоннинг энг яхши футболчиси» сўровида Игорь Шквирин ва Миржалол Қосимовдан кейин 3-ўринни банд этган.
Ўзбекистонда жисмоний тарбия ва спортни ривожлантиришда қўшган ҳиссаси, Хиросимада бўлиб ўтган Осиё ўйинарида муваффақиятли иштироки учун Ўзбекистон Республикаси Президенти томонидан «Шуҳрат» медали билан тақдирланган.
У 37 ёшида (2000 йил) фаолиятини якунлаб, доимий яшаш учун Россияга кўчиб кетганди. Бироқ янги ҳаётга кўникиши қийин бўлди - хасталик... Юрий Шейкин 2011 йилнинг 5 январь куни Великий Новгород (Россия) шаҳрида оламдан ўтди.
Мавлон Шукурзода
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20