Суперлиганинг 9-турида Тошкентнинг икки клуби — “Локомотив” ва “Пахтакор” ўзаро тўқнаш келади. Мазкур учрашув 29 апрель - якшанба кунига тайин қилинган.
Бунда ПФЛ марказий ўйиннинг дам олиш кунига тўғри келишига эътибор қаратган. Бу ўз навбатида мухлислар ташрифига ҳам ўзининг ижобий таъсирини кўрсатиши турган гап. Шунингдек, “Спорт” каналини ҳам айнан шу учрашув сабаб дам олиши куни нисбатан каттароқ аудитория томоша қилиши катта эҳтимол.
Қоидага кўра, “Локомотив” ва “Пахтакор”нинг ёшлар жамоалари бир кун аввал — 28 апрель куни ўзаро майдонга тушиши керак эди. 28 апрель куни, шунингдек, “Локомотив-БФК” клуби Про-лиганинг 5-тури доирасида “Лабса”ни қабул қилади.
“Локомотив” ёшлар жамоаси ҳамда “Локомотив-БФК” футбол клублари ТТМИга қарашли стадионда ўз ўйинларини ўтказиб келади. Шундан келиб чиқиб, “Локомотив” клуби мазкур беллашувлардан бирини бошқа санага кўчиришни сўраб, ПФЛга мурожаат қилди.
ПФЛ Суперлига ҳамда Про-лига ўйинларини жуда жиддий сабаб бўлмаса, бошқа санага кўчирмайди. Қолаверса, Бухоронинг “Лабса” клуби режаларини ҳам ҳурмат қилиш лозим. Шундан келиб чиқиб, ПФЛ “Локомотив” таклифига кўра, Ёшлар лигаси ўйинини бир кун олдинга — 27 апрелга сурди. Бунга “Пахтакор” раҳбарияти ҳам ўз розилигини билдирди. Ҳар икки клуб битта шаҳар шарафини ҳимоя қилишидан келиб чиқилса, бу борада муаммо юзага келмайди деган қарорга келинди.
Демак, 27 апрель куни соат 16:00 да “Локомотив” ва “Пахтакор” ёшлари ўртасида дерби бўлиб ўтади. 28 апрель куни эса “Локомотив-БФК” айнан ТТМИ стадионида “Лабса”ни қабул қилади. 29 апрель куни “Локомотив” стадионида Тошкент дербиси бўлиб ўтади.
***
Айтганча, Малайзиянинг Куала-Лумпур шаҳрида Осиё Футбол Конфедерацияси футбол ассоциациялари билан ҳамкорликда аккредитация тизимини янгилашга бағишланган мажлиси бўлиб ўтди.
Ушбу мажлисда аккредитация тизимини ривожлантириш, ОФК мамлакатлари мусобақалар тизимини яхшилаш ва ОФК мамлакатлари мусобақалари учун ягона аккредитация тизими жорий этиш каби масалалар кўрилди. Таъкидлаш лозим, ушбу мажлисда ЎзПФЛ матбуот хизмати вакили Шерзод Ражабов иштирок этди ва мажлис иштирокчиларига футбол бўйича Ўзбекистон Чемпионати баҳсларида бу тизим қандай ишлаётгани ва аккредитациялаш масаласи бўйича янги лойиҳа ва ислоҳотлар борасида маълумот берди. Ўзбекистон вакили, шунингдек, ОФК билан аккредитация масалаларида Ўзбекистон Футбол Ассоциацияси ҳамда Ўзбекистон Профессионал Футбол Лигаси ҳамкорлик қилишга тайёр эканини айтди.
Ўз навбатида, Осиё Футбол Конфедерацияси ҳам янги форматдаги Ўзбекистон Суперлигаси ҳамда Кубоги мусобақаларини таърифлади ва ушбу мусобақалардаги аккре дитациялаш тизимига юқори баҳо берди. Қолаверса, ОФК мутасаддилари бундай семинар ҳамда курсларни одатий тарзда ўтказиш ва бундай семинарларни албатта келгусида Ўзбекистонда ҳам ўтказиш борасида ўз таклифини айтди.
Манба: pfl.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20