Европадаги энг кўп даромад келтирувчи футболчилар билан танишинг

26.04.2018 00:13

3630

Европадаги энг кўп даромад келтирувчи футболчилар билан танишинг

Алоҳида қайд этиш ўринли, CIES футболчиларнинг потенциал нархини таҳлилий гуруҳ томонидан ишлаб чиқилган махсус алгоритм асосида чиқаради.

Умуман, замонавий футболда кўплаб клублар ва агентлар айни шу маълумотлардан кенг фойдаланишади. Трансфер нуқтаи назаридан ўз клубига энг катта моддий манфаат келтириши мумкин бўлган юлдузлар рейтингининг 1-ўрнида Лионель Месси ёки Криштиану Роналду эмас, бошқа футболчи турибди.

CIES Football Observatory таҳлил гуруҳининг навбатдаги тадқиқоти натижаси шундай бўлди. Экспертлар бунда «кўҳна қитъа»нинг энг кучли 5та миллий лигасида ўйнайдиган футболчиларнинг айни вақтдаги трансфер баҳоси ва клублар вақтида уларни сотиб олиш йўлида қанча сарфлаганига эътибор қаратишган.

Яъни муайян футболчининг трансфер нуқтаи назаридан ўз жамоасига қанча даромад келтириши мумкинлиги инобатга олинган.

Демак, «ССФ» нашри маълумотлари асосида рейтинг - таҳлил натижалари билан танишиб чиқамиз.

Трансфер нуқтаи назаридан энг кўп даромад келтирувчи 50 нафар футболчи

Т|р. Футболчи Клуби Чемпионат Нарх тав. Фарқ

1. Гарри Кейн «Тоттенхэм» Англия 0 - 198 +198

2. Лионель Месси «Барселона» Испания 0 - 197 +197

3. Деле Алли «Тоттенхэм» Англия 7 - 171 +164

4. Антуан Гризманн «Атлетико» Испания 30 - 158 +128

5. Пауло Дибала «Ювентус» Италия 40 - 155 +115

6. Муҳаммад Салоҳ «Ливерпуль» Англия 50 - 163 +113

7. Маркус Рашфорд «МЮ» Англия 0 - 112 +112

8. Лоренцо Инсинье «Наполи» Италия 0 - 105 +105

9. Роберт Левандовски «Бавария» Германия 0 - 102 +102

10. Сауль Ньегес «Атлетико» Испания 0 - 101 +101

11. Лерой Сане «Манчестер Сити» Англия 52 - 151 +99

12. Кевин де Брюйне «Манчестер Сити» Англия 80 - 176 +96

13. Коке «Атлетико» Испания 0 - 88 +88

Эрик Дайер «Тоттенхэм» Англия 5 - 93 +88

15. Кристиан Эриксен «Тоттенхэм» Англия 13 - 100 +87

16. Мауро Икарди «Интер» Италия 13 - 97 +84

17. Андре тер Штеген «Барселона» Испания 12 - 95 +83

18. Чиро Иммобиле «Лацио» Италия 9 - 88 +79

19. Эден Азар «Челси» Англия 40 - 118 +78

20. Дрис Мертенс «Наполи» Италия 10 - 87 +77

21. Фабиньо «Монако» Франция 6 - 83 +76

22. Тимо Вернер «РБ Лейпциг» Германия 13 - 85 +72

23. Роберто Фирмино «Ливерпуль» Англия 40 -110 +70

Габриэль Жезус «Манчестер Сити» Англия 37 - 107 +70

Флориан Товен «Марсель» Франция 13 - 83 +70

Раҳим Стерлинг «Ливерпуль» Англия 70 - 140 +70

27. Калиду Кулибали «Наполи» Италия 7 - 76 +69

Самуэль Юмтити «Барселона» Испания 30 - 99 +69

29. Набил Фақир «Лион» Франция 0 - 67 +67

Тома Лемар «Монако» Франция 4 - 71 +67

31. Эктор Бельерин «Арсенал» Англия 0 - 65 +65

Ян Облак «Атлетико» Испания 16 - 81 +65

33. Серхио Агуэро «Манчестер Сити» Англия 45 - 108 +63

34. Элсаид Хюсай «Наполи» Италия 6 - 68 +62

35. Ромелу Лукаку «МЮ» Англия 102 - 162 +60

Сон Хюн Мин «Тоттенхэм» Англия 30 - 90 +60

37. Карлос Каземиро «Реал» Испания 8 - 67 +59

Алексис Санчес «МЮ» Англия 40 - 99 +59

Кристиан Пулишич «Боруссия Д.» Германия 0 - 59 +59

Эдерсон Мораес «Манчестер Сити» Англия 40 - 99 +59

41. Вильфрид Ндиди «Лестер» Англия 21 - 78 +57

42. Марко Асенсио «Реал» Испания 4 - 60 +56

Жошуа Киммих «Бавария» Германия 9 - 65 +56

Жесси Лингард «МЮ» Англия 0 - 56 +56

45. Серхио Бускетс «Барселона» Испания 0 - 55 +55

46. Иван Ракитич «Барселона» Испания 21 - 75 +54

Федерико Кьеза «Фиорентина» Италия 0 - 54 +54

48. Андреас Кристенсен «Челси» Англия 0 - 53 +53

Тони Кроос «Реал» Испания 25 - 78 +53

50. Милинкович-Савич «Лацио» Италия 20 - 71 +51

*** Ушбу ўзига хос рейтингнинг 1-ўрнига «Тоттенхэм»нинг 24 ёшли ҳужумчиси Гарри Кейн жойлашди. Гап шундаки, «шпорлар» ҳозирги энг яхши тўпурарлари учун бир чақа ҳам сарфлашмаган - у клуб тарбияланувчисидир.

Кейннинг ҳозирги трансфер нархи эса 198 миллион еврога баҳоланмоқда. Агар лондонликлар охир-оқибат, уни сотишга қарор қилишса, мисли кўрилмаган даромадга эга бўлишади. Ҳар ҳолда, Гаррига реал харидорлар йўқ эмас.

*** Рўйхатнинг 2-қаторига аргентиналик даҳо - Лионель Месси қў-йилди. Ҳа, «Барселона» ҳам уни ўз сафига жалб этишда катта маблағ сарфламаган. Аммо Леонинг ёшини инобатга олсак, эндиликда унинг сотувидан тушадиган потенциал даромад миқдори тобора пасайиб борса керак.

Тўғри, Каталония клуби ўз етакчисининг шартномасида жуда катта товон пули белгилаган - 700 миллион евро. Агар шунча тўлашга рози харидор топилса, унда Месси шубҳасиз, рейтинг пешқадамига айланади. Аммо масаланинг яна бир томони борки, бунинг учун аввало, «Барса» трансферга рози бўлиши керак.

*** Ишонмаслигингиз мумкин, аммо факт шуки, трансфер нуқтаи назаридан энг катта наф келтирадиган футболчилар рўйхатининг кучли учлигида «Тоттенхэм»нинг яна бир вакили бор - бу ярим ҳимоячи Деле Алли.

Лондон клуби раҳбарияти 2015 йилнинг февралида салоҳияти баланд йигит трансферига 7 миллион евро сарфлаганди. Деле ўшанда 18 ёшли ўспирин эди. Мана, орадан атиги 3 йил ўтди ва бой клублар «Тоттенхэм» эшигини тобора қаттиқроқ тақиллатишяпти. Таклиф этилаётган тахминий сумма - 170 миллион евро.

*** Алли ортида франциялик ҳужумчи Антуан Гризманн бор. «Атлетико» голеадори ҳам бой жамоалар эътиборида турибди. «Матрасчилар» уни 2014 йили қандайдир 30 миллион еврога харид қилишганди.

Энди самарадор ҳужумчини 5 баравар қимматига сотишни мўлжаллашмоқда. Тўғри, «Атлетико» ва Гризманн ўртасидаги янги шартномада битта муҳим банд бор: футболчининг ўзи кетишни хоҳласа, клуб уни 100 миллион еврога сотишга мажбур бўлади. Маълумотларга кўра, «Барселона» айни шу банддан фойдаланмоқчи.

*** Пауло Дибала - топ-5дан ўрин олган аргентиналик иккинчи футболчи. «Ювентус» унинг учун бир неча йил олдин «Палермо»га 40 миллион евро тўлаганига ҳозир сира ачинмаётгани аниқ. Зеро, туринликлар серхаридор ҳужумчини 100 миллион евродан камига қўйиб юбормасалар керак-ов...

Топ-50 кўринишидаги рўйхатда энг кўп вакил табиийки, АПЛдан - 21 нафар футболчи. Испания Примеросида ўйновчилар сони - 12 нафар. Қолган 17 нафар футболчи Италия «А» серияси (9 нафар), Германия Бундеслигаси (4 нафар) ва Франция элит лигаси (4 нафар)да ўйнайди. Умуман, 50 нафар футболчи 21та клубга тегишли.

«Тоттенхэм» - 5 нафар

«Барселона» - 5 нафар

«Манчестер Сити» - 5 нафар

«Атлетико» - 4 нафар

«МЮ» - 4 нафар

«Наполи» - 4 нафар

«Ливерпуль» - 3 нафар

«Реал» - 3 нафар

«Бавария» - 2 нафар

«Лацио» - 2 нафар

«Челси» - 2 нафар

«Монако» - 2 нафар