Қайднома

Қидирув

Вагиз Галиулин: "Еврокубокларда ўйнамаслик алам қиляпти... "

Вагиз Галиулин: "Еврокубокларда ўйнамаслик алам қиляпти... "

  12.05.2018 08:35
  0
  183
Вагиз Галиулин:

Хабарингиз бор 9 май куни Россия кубоги финалида ҳамюртимиз Вагиз Галиулин тўп сурадиган “Тосно” клуби финалда қуйи дивизион вакили ҳисобланган Курскнинг  “Авангард” (2:1) жамоасини мағлуб этди ва бош совринни қўлга киритди.

Қизиғи шундаки, ленинградликлар регламент бўйича кубок соҳиби сифатида Европа лигасида иштирок этиш ҳуқуқига эгалар. Бироқ, Россия футбол иттифоқи жамоани УЕФА лицензиялаш талабларини бажармагани сабаб ушбу йўлланмадан махрум этилиши ҳақида эълон қилди. Шундан сўнг SPORTS.uz мухбири дархол Вагиз Галиулин билан алоқага чиқди ва бу борадаги фикрларини сўради.

- Авваламбор Россия кубогини қўлга киритганингиз билан сайтимиз номидан табриклаймиз. Буларнинг барчаси қандай содир бўлди?

- Табриклар учун катта раҳмат. Бу ғалабам ўзбек футболининг ҳам ғалабасидир. Кубок финалигача босиб ўтган йўлимиз жуда машаққатли кечди. Айниқса, “Спартак”ка қарши ярим финал баҳси жудаям оғир бўлган эди. Бироқ биз жамоадошларимиз билан бир бўлиб ҳеч нарсага аҳамият бермай фақат ғалаба ҳақида ўйладик ва якунда кўзлаган мақсадимизга эришдик.

- Эшитишимиз бўйича “Тосно” УЕФА лицензиялаш талабларини бажара олмагани сабаб ўзининг чўнтагидаги Европа лигаси йўлланмасидан махрум этилармиш....

- Тўғриси ҳозир бу борада нималар бўлаётганини ўзим ҳам тушунмаяпман. Жамоада муаммолар жуда кўп. Молиявий муаммолар, стадион ва ҳокозо...Шу сабабли ҳам “Тосно” УЕФА лицензиялашидан ўта олмаяпти. Менимча жамоа ушбу мусобақада қатнашмаса керак.

- Бу қадар узоқ ва машаққатли йўл босиб, халқаро майдонда ўйнаш имкониятини қўлга киритгандан сўнг унда иштирок этмаслик алам қилмайдими?

- Албатта, бу жуда аламли. Тўғриси аксарият ёш футболчиларимизда Европа лигасида ўйнаб, ўзини халқаро майдонда кўрсатиш орзуси бор эди. Минг афсуски бу нарсалар биз футболчиларга боғлиқ эмас. Барчасини раҳбарият ҳал қилади.

- Бу масалада ўзгариш бўлиши мумкинми?

- Балким. Бу борада яқин 2-3 кун ичида якуний қарор эълон қилинади.

Бахтиёр ТОШТЕМИРОВ суҳбатлашди

Айтганча, кеча Россия футбол иттифоқида клубларни лицензиялаш бўйича навбатдаги йиғилиш бўлиб ўтди. Берилган маълумотларга кўра "Амкар", "Ростов" ва "Тосно" қўйилган талабларни бажара олишмаган ва шу боис уларга келгуси мавсум чемпионатда иштирок этиш лицензияси берилмади. Бироқ, ушбу жамоалар ой охирига қадар ушбу масала юзасидан апелляция бериш ҳуқуқига эгалар. Маълумот учун, “Ростов” сафида ҳамюртимиз Элдор Шомуродов ўйнаса, “Тосно”да яна бир ўзбекистонлик футболчи – Вагиз Галиулин тўп суради.


Манба: sports.uz


InterFutbol.uz нинг Telegram даги саҳифасига уланинг – энг сўнгги янгиликлар, қизиқарли блоглар ва таҳлилий материаллар энди бир тўпламда.

Оммабоп мақолалар

Хабарингиз борми

Чемпионатлар

тўлиқ жадвал »

Кун фотоси

«ИНТЕРФУТБОЛ» газетасининг 14-августдаги сешанба сони

  • ЎФФ ва ПФЛнинг янги раҳбарияти олиб бораётган ислоҳотларга қандай баҳо берасиз?


«ИнтерФУТБОЛ» газетасининг расмий сайти.
Гувоҳнома № 0149. Берилган санаси: 25.06.2008 Муассис: «ИНТЕРФУТБОЛМЕДИА» МЧЖ.
Бош муҳаррир: Аҳадхон АБДУҲАМИТОВ.
Таҳририят манзили: 160400, Косонсой шаҳри,Чорбоғ кўчаси, 17-уй.
Электрон манзил: info@interfutbol.uz