Испания чемпионати 38-тури доирасидаги баҳслар ўз поёнига етди.

Ҳозиргина якунига етган учрашувда Каталониянинг «Барселона» клуби ўз майдонида «Реал Сосьедад»ни қабул қилди ва кичик ҳисобда ғалабага эришди.

Учрашувнинг биринчи бўлими ўртача темпда кечди. Шунга қарамай жамоаларда етарлича вазиятлар бўлди, аммо гол уриш ҳеч бир жамоага насиб этмади.

Иккинчи бўлимда эса жонланиш кузатилди ва жамоалар жуда ҳам мухлисбоп, шиддаткор ҳамда қизиқарли ўйин кўрсатишди. 57-дақиқада Филиппе Коутиньо ўз услубида, жарима майдони ташқарисидан ўнг оёғида жуда ажойиб зарба йўллаб учрашув тақдирини ҳал қилган голга муаллифлик қилди.

Бу голдан кейин эса ўйин очиқ жангга айланиб кетди, захирадан сафга қўшилганлар темпни янада оширди, аммо бошқа гол кузатилмади.

Қайд этиш керакки, мазкур баҳсда «Барселона» афсонаси Андрес Иньеста жамоа сафидаги сўнгги ўйинини ўтказди ва жамоа билан хайрлашди.

ИСПАНИЯ ЧЕМПИОНАТИ. 38-ТУР

«БАРСЕЛОНА» – «РЕАЛ СОСЬЕДАД» – 1:0 (0:0)

20 май, «Камп Ноу» стадиони. 84 168 томошабин.

Гол: Коутиньо (57).

Барселона: тер Штеген, Пике, Альба, Нелсон Семеду, Мина, Ракитич, Бускетс, Иньеста (Пако Алькасер, 82), Коутиньо (Месси, 67), Дембеле (Денис Суарес, 53), Суарес.

Реал Сосьедад: Мойя, Навас, де ла Белья, Элустондо (Одриосола, 71), Льоренте, Янузай (Каналес, 62), Сурутуса (Прието, 89), Ильярраменди, Ойарсабаль, Хуанми, Виллиан Жозе.

Огоҳлантиришлар: Суарес (43), Альба (72), Ракитич (75) - Навас (42), Янузай (53).