Қайднома

Қидирув

ЖЧ-2018 иштирокчилари қанчадан мукофот пули олишлари мумкин?

ЖЧ-2018 иштирокчилари қанчадан мукофот пули олишлари мумкин?

  08.06.2018 00:19
  0
  1858
ЖЧ-2018 иштирокчилари қанчадан мукофот пули олишлари мумкин?

ЖАҲОН ЧЕМПИОНАТИ БОНУС ХАЛТАСИ

Мундиалда жамоалар фақат совринли ўринлар эмас, балки моддий рағбат учун ҳам жон куйдиради.

Яъни ҳар бир миллий терма футболчилари ФИФА белгилаган мукофот жамғармасидан имкон қадар кўпроқ ундириш илинжида бўлишади.

Қолаверса, миллий федерациялар томонидан муайян натижа учун ваъда қилинган мукофот тўлови ҳам уларга қўшимча мотивация беради.

ФИФА МУКОФОТ ЖАМҒАРМАСИ

400 миллион доллар - ФИФА бўлажак жаҳон чемпионатида иштирок этувчи 32та терма жамоани моддий рағбатлантириш учун шунча маблағ ажратиб қўйган. Тақсимотга кўра, ҳар бир жамоа ЖЧда ўйнагани эвазига 9,5 миллион доллар олади - бу кафолатланган қатъий бонус.

Ушбу суммани қанчалик кўпайтириш эса иштирокчи термаларнинг ўзига боғлиқ. Мисол учун, Россияда жаҳон кубогини ютган жамоа 38 миллион евро олади (ЖЧ-2014 ғолиби Германия термаси Бразилиядан 35 «лимон» билан қайтганди).

Демак, ФИФА мукофот жамғармасини ошириш анъанасини давом эттирмоқда. Айтиш жоиз, халқаро футбол уюшмаси кетма-кет 5та мундиалдан буён бонус миқдорини кўпайтирмоқда.

Таққослаш учун айтсак, 2002 йили умумий фонд «атиги» 154 миллион доллар эди. ФИФА шунинг баробарида 2010 йилдан эътиборан жаҳон форумига футболчи юборган клубларга ҳам ўзига хос «товон» пули тўламоқда.

Хуллас, ЖАР-2010да умумий тўлов миқдори 420 миллион долларни ташкил этган бўлса, Бразилия мундиалида бу сумма 564 «лимон»га етди. Бўлажак ЖЧ учун тўлов миқдори - 791 миллион доллар:

400 миллион - мукофот жамғармаси

209 миллион - клубларга базавий компенсация

134 миллион - футболчилари ЖЧ вақти жароҳатланган клубларга тўлов

48 миллион - йўлланма учун қўшимча бонус (1,5 миллиондан).

ФИФА МУКОФОТ ЖАМҒАРМАСИ ТАҚСИМОТИ

                                                         ЖЧ-2018          ЖЧ-2014               Фарқ

Турнирга чиққанлик учун                   1,5                   1                       +0,5

Гуруҳ босқичидаги иштирок учун        8                    8                           0

1|8 финалдаги иштирок учун              12                   9                         +3

1|4 финалдаги иштирок учун              16                   14                       +2

4-ўрин учун                                            22                   18                      +4

3-ўрин учун                                            24                   20                      +4

2-ўрин учун                                            28                   25                      +3

Чемпионлик учун                                  38                   35                       +3

Барча суммалар миллион евро ҳисобида

А.Аҳмедов тайёрлади


Манба: www.interfutbol.uz


InterFutbol.uz нинг Telegram даги саҳифасига уланинг – энг сўнгги янгиликлар, қизиқарли блоглар ва таҳлилий материаллар энди бир тўпламда.

Оммабоп мақолалар

Хабарингиз борми

Чемпионатлар

тўлиқ жадвал »

Кун фотоси

Чемпионлар давраси

  • ЎФФ ва ПФЛнинг янги раҳбарияти олиб бораётган ислоҳотларга қандай баҳо берасиз?


«ИнтерФУТБОЛ» газетасининг расмий сайти.
Гувоҳнома № 0149. Берилган санаси: 25.06.2008 Муассис: «ИНТЕРФУТБОЛМЕДИА» МЧЖ.
Бош муҳаррир: Аҳадхон АБДУҲАМИТОВ.
Таҳририят манзили: 160400, Косонсой шаҳри,Чорбоғ кўчаси, 17-уй.
Электрон манзил: info@interfutbol.uz