Маълум бщлишича, Криштиану Роналдунинг «Реал» билан шартномасига кўра унинг товон пули 1 миллиард еврони ташкил қилади. Аммо «Қироллик клуби» 33 ёшли португалиялик ҳужумчини 200 миллион евродан кам бўлмаган маблағ эвазига сотиб юборишга тайёр эканлигини эълон қилди, деб ёзади «Championat.com».

Айтганча, «Реал» ҳужумчиси Криштиану Роналду «Ювентус» футболчисига айланиши мумкин. Marca хабарига кўра, 33 ёшли ушбу португалиялик футболчи туринликлар клуби раҳбарияти билан ЕЧЛ чорак финали доирасидаги биринчи учрашувдан кейин гаплашган. Ўшанда Туринда кечган биринчи учрашув «Реал»нинг 3:0 ҳисобидаги ғалабаси билан якунланганди.

ЕЧЛ финалидан кейин Роналду шу ёзда жамоани тарк этишига ишора қилганди. Хориж ОАВларида Роналдуга ПСЖ, «Манчестер Юнайтед», «Бавария», «Ювентус»нинг қизиқаётганлиги ҳақида хабарлар берилди. Аммо, футболчи борасида бирорта расмий таклиф клубга келиб тушганича йўқ. 

Эслатиб ўтамиз, якунланган мавсумда Роналду барча турнирлар доирасида 55 учрашувда майдонга тушган ва 52 гол урган.