Futbol Pro портали яқинда Pepsi Суперлигага оид қизиқарли статистик маълумотни чоп этди. Унда миллий чемпионатимиздаги клубларда тўп сураётган футболчиларнинг ўртача ёшлари акс этган.
Мазкур статистик маълумотга кўра, Наманганнинг «Навбаҳор» жамоаси футболчиларининг ўртача ёши 27,5га тенг ва «лочинлар» жадвалнинг 6-поғонасидан жой олишган.
Таъкидлаш жоизки, Тошкентнинг «Пахтакор» клуби вакилларининг ўртача ёши ҳам «Навбаҳор»даги билан бир хил. Фақатгина «шерлар» 7-поғонани банд этишган.
Ушбу рўйхатни бошқариб турган Тошкентнинг «Бунёдкор» клуби кўп йиллардан буён мамлакатимизнинг энг ёш жамоаси ҳисобланиши ҳеч кимга сир эмас. Айни пайт «қалдирғочлар»нинг ўртача ёши 24,7ни ташкил этмоқда. Шунингдек, бир нечта мавсумки, Қаршининг «Насаф» клуби ҳам таркибни ёшартириш сиёсатини олиб бормоқда ва жорий йил «аждарлар»нинг ўртача ёши 24,9га тенг бўлиб турибди.
Жадвалнинг 3-поғонасидан жой олган Жиззахнинг «Сўғдиёна» жамоаси эса таркибни ёшартириш масаласида ўз имкониятларидан етарли даражада фойдаланишга интилмоқда.
Тошкентнинг «Локомотив» (ўртача ёш - 28) жамоасига эса алоҳида тўхталса арзийди. Боиси, «темирйўлчилар» таркибидан тажрибали футболчилар ўрин олишган. Шу сабабли бўлса керак, «Локомотив» қаторасига 2 марта «олтин дубль» қайд этишга эришди.
Мамлакатимиз байроқдори «Пахтакор»да (ўртача ёш - 27,5) ҳам «қария» футболчилар кўпчиликни ташкил этади. Боиси, «шерлар»нинг грузиялик устози Шота Арвеладзе кўпроқ тажрибали ўйинчиларга ишонч билдирмоқда ва асосий таркибдан асосан 30 ёшдан ошганлар жой олишган. Бунинг сабабини эса грузиялик мутахассиснинг маҳаллий ёшларда тажриба камлиги ва савия унчалик юқори бўлмаганлиги боис, эътиборини кўпроқ легионерлар ҳамда Акмал Шораҳмедов сингари тажрибали футболчиларга қаратаётганлиги билан боғлаш мумкин. Шундай бўлсада, «Пахтакор» фақатгина ички мусобақаларда яхши иштирок этяпти, холос. Жамоа ОЧЛнинг гуруҳ баҳслари йўлланмасини қўлга кирита олмади.
Лекин гап бу ерда Шораҳмедовда ҳам эмас, балки клубнинг умумий кадрлар сиёсатида. Бу борада қандай иш олиб бориш эса жамоанинг ўзига боғлиқ.
Рўйхатнинг сўнгги поғоналаридаги Навоийнинг «Қизилқум» (28,5) ва Бухоронинг «Бухоро» (28,9) клублари таркибида эса катта ёшли футболчилар кўпчиликни ташкил этишади.
Futbol Pro порталининг умумий жадвали қуйидагича кўриниш олган:
№ Клублар Футболчиларнинг ўртача ёши
1 «Бунёдкор» 24,7
2 «Насаф» 24,9
3 «Сўғдиёна» 25,3
4 «Нефтчи» 25,7
5 «Металлург» 26,4
6 «Навбаҳор» 27,5
7 «Пахтакор» 27,5
8 «Қўқон-1912» 27,6
9 АГМК 27,9
10 «Локомотив» 28
11 «Қизилқум» 28,5
12 «Бухоро» 28,9
Улуғбек УМАРОВ
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20