Франциянинг спорт ва мода (дизайн)га ихтисослашган нашри ўз муқовасини бу сафар марҳум дарвозабон Лев Яшин сурати билан безади. Журналнинг ички саҳифаларида ҳам афсонавий дарвозабоннинг бетакрор услуби ва образи ҳақида мақола берилди.
Диққатни тортадиган жиҳати, унинг сарлавҳаси кирилл ҳарфларида ёзилди. Хўш, яна қайси нашрлар муқовасини жаҳон чемпионатига аталган энг зўр «ташвиқот» сифатида келтириш мумкин?
VOGUE Hombre (Мексика). Мексикада чиқадиган VOGUE муқовасига турли даражага мансуб моделлар (смокингда) зеб беришди. Журналда шунинг баробарида футбол ва жаҳон чемпионати ҳақида етарлича маълумот ҳам тақдим этилди.
PAPER (АҚШ). G.O.A.T. - бу Greatest of all time. Маъноси - барча замонлар учун энг буюк. Гап Лео Месси ҳақида кетмоқда...
So Foot (Франция). Футбол йўналишига ихтисослашган Франция журнали ўз муқовасида 5 терма жамоани алоҳида улуғлади. Аниқроғи, янги сон муқовасига Лионель Месси, Криштиану Роналду, Поль Погба, Неймар ва Муҳаммад Салоҳ суратлари танланди.
Sports Illustrated (АҚШ). Америка журнали бир неча ҳафта давомида ўз муқоваси воситасида жаҳон чемпионатида иштирок этувчи жамоаларни таништириб чиқди. Қизиғи, Мексика термаси «Американинг бошқа жамоаси» сифатида тақдим этилди.
11 Freunde (Германия). Немислардан антиқа ёндашув: журналнинг июнь ойи сони муқовасида Йоахим Лёв, Матс Хуммельс ва Месут Озил тарихий шахслар - Владимир Ленин, Фридрих Энгельс ва Карл Маркс қиёфасида.
TATLER (Россия). Аёллар журналининг июнь ойи сони учун машҳур модель - Алессандра Амброзио суратга тушди. У Россия терма жамоаси расмий либосини намойиш этиш баробарида ЖЧда Неймарни воқеа жойида қўллаб-қувватлаб туришини яширмади.
FourFourTwo (Ж.Корея). Корейслар оддий йўлдан боришни маъқул кўришди. Яъни муқовага Ж.Корея миллий жамоасининг бош юлдузи Сон Хюн Мин суратини танлаб қўя қолишди.
А.ИСРОИЛХОНОВ тайёрлади
Манба: www.interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20