Жаҳон чемпионати 2018 финал баҳси ўз поёнига етди.
Учрашув кутилганидек юқори темп остида бошланди. Айниқса, хорватлар ўйинни жуда шиддатли бошлашди ва бир-қатор хавфли ҳужумларни уюштиришди.
Аммо ҳисобни очиш францияликларга насиб этди. 18-дақиқада Антуан Гризманнинг жаримадан етказиб берилган тўпи кутилмаганда баланд сакраган Марио Манжукичга тегди ва дарвоза тўридан жой олди.
Бироқ мазкур голдан сўнг хорватияликлар «синиб» қолишгани йўқ. Аксинча, ҳужумлар сонини янада оширишди ва 10 дақиқа ўтар-ўтмас жавоб голини киритишди. Бу вазиятда жарима майдони чизиқи атрофида ажойиб ўйин кўрсатган Иван Перишич кучли зарбаси эвазига дарвозани ишғол этди.
Кейинги дақиқалар яна тенгма-тенг кураш остида кечаётганди. Иккинчи голдан яна 10 дақиқа ўтиб эса франциялик футболчилар яна ҳисобни ўз томонига ўзгартиришди.
Бурчакдан етказиб берилган тўп Самуэль Юмтитидан ўтиб кетиб, кутилмаганда Перишичнинг қўлига тегди. Бу вазиятни обдон кўриб чиққан Нестор Питана (ўйин ҳаками) дарвозага пенальти белгилади ва Антуан Гризманн зарбани аниқ амалга оширди.
Хорватия терма жамоаси бу голга ҳам биринчи бўлимда жавоб қайтаришга роса ҳаракат қилишди, бир-неча хавфли вазиятларни ҳам яратди, аммо ҳисобни тенглаштириш биринчи бўлимда насиб этмади.
Хуллас илк тайм Франциянинг 2:1 ҳисобидаги ғалабаси билан якунланди. Қизиғи статистикага кўра, франциялик футболчилар тайм давомида дарвозага бор-йўғи бир донагина зарба йўллашган экан.
Иккинчи бўлим ҳам шиддат бобида биринчисидан қолишмади, аммо у Францияга аталди. 59-дақиқада Поль Погба ҳисобни 3:1 кўринишига келтирган бўлса, 65-дақиқада Килиан Мбаппе жарима майдони ташқарисидан кучли зарбаси эвазига жамоасининг 4-голини киритди. 69-дақиқадаги Уго Льориснинг жиддий хатосидан сўнг Марио Манжукич ҳисобни қисқартирди, 4:2.
Бу голдан сўнг хорватияликлар вазиятни ўзгартириш учун роса уринишди, бироқ ҳар қанча уринишмасин вазифани уддалай олишмади. Тўпни рақибга топшириб ўйинни тўлиқ назорат қилган Франция терма жамоаси жаҳон чемпионига айланишди.
ЖЧ-2018. ФИНАЛ
ФРАНЦИЯ – ХОРВАТИЯ 4:2 (2:1)
15 июль, «Лужники»
Голлар: 1:0 – 18, автогол Манджукич, 1:1 – 28 Перишич, 2:1 – 38, пенальти Гризманн, 3:1 – 59 Погба, 4:1 – 65 Мбаппе, 4:2 – 69 Манджукич.
Франция: Льорис, Варан, Люка Эрнандес, Павар, Умтити, Канте (Нзонзи, 55), Погба, Матюиди (Толиссо, 73), Гризманн, Жиру (Фекир, 81), Мбаппе.
Хорватия: Субашич, Ловрен, Стринич (Пьяца, 81), Врсалько, Вида, Ракитич, Брозович, Перишич, Модрич, Ребич (Крамарич, 71), Манджукич.
Огоҳлантиришлар: Канте (27), Люка Эрнандес (41), Врсалько (90).
Манба: www.interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20