Германия терма жамоаси ва «Арсенал» клуби ярим ҳимоячиси Месут Озил Бундестим учун ўйнашдан бош тортди. Бу ҳақида футболчи ўзининг расмий твиттер саҳифасида ёзган.
«Райнхард Гриндель (Немис футбол қўмитаси раҳбари) Россиядаги ЖЧда Германия терма жамоасининг салбий натижаси учун мени омма олдида айбдорга чиқарди. Мен эндиликда бундай гапларни эшитишни истамайман. Биламан у менинг Туркия президенти билан суръатга тушганимдан кейин кетишимни хоҳлаган, бироқ мен ёнимни Йоахим Лев ва Оливер Бирхофф олишди.
Гриндель мени Германия ғалаба қозонса немис деб ҳисоблайди, агар мағлуб бўлсак келгинди деб қарайди. Тушунмайман, тўлақонли Германия фуқароси бўлишим учун яна нималар етишмайди? Нега менинг дўстларим Подольски ва Козени немис-поляк дейишмайди, мени эса немис-турк дейишади? Аминманки, бу жуда ҳам катта муаммо, зеро мен Германияда туғилиб-ўсганман.
Ушбу қарорга келишни жуда ҳам узоқ ўйладим. Германия терма жамоаси сафида бошқа ўйнамайман, чунки мен билан ноҳақ муносабатда бўлишди. Мен доим терма жамоа футболкасини ғурур билан кийиб юрар ва бор кучим билан жамоадошларим, мураббий ва Германия халқи учун ўйнар эдим», - дейди Озил.
Манба: www.interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20