Қайднома

Қидирув

Суперлига регламенти ўзгартириладими: нахотки, «олтин очколар» бекор қилинса?

Суперлига регламенти ўзгартириладими: нахотки, «олтин очколар» бекор қилинса?

  07.08.2018 10:14
  0
  340
Суперлига регламенти ўзгартириладими: нахотки, «олтин очколар» бекор қилинса?

Маълумки, жорий йилда янги форматда ўтказилаётган футбол бўйича Ўзбекистон чемпионатининг 1–2-давралари якунланишига 2 тур қолди. Регламентга кўра, 1-6 ўрин эгалари ва 7-12-ўрин эгалари икки гуруҳга бўлиниб, 3–4-давраларда ўзаро уй-сафар тизимида яна 10 та учрашувда майдонга тушишади. Бу ҳолатда 1–6-ўрин эгаларининг 7–12-ўрин эгалари билан 1-2-давраларда қўлга киритган очколари ҳисобдан чиқариб ташланади ва жамоалар «олтин очколар» билан чемпионлик учун кураш олиб боришади.

Мавжуд регламент футбол бўйича Ўзбекистон чемпионатида ҳам интрига пайдо бўлиши олиб келди. Масалан, «Қўқон-1912» клуби юқори олтиликдан ўрин олса «Пахтакор» бир неча очколардан айрилиши, «Металлург» 6-ўринни олса, аксинча, «Пахтакор» очколарга эга бўлиши мумкин. Бу ҳақда Қаҳрамон Аслановнинг таҳлилий мақолалари бериб борилмоқда. Мана сўнггиси.

Таҳририятимизга ПФЛ бош директори Омон Ғафуров томонидан 6 август куни имзоланган №466-сонли хат келиб тушди.

Хатда «олтин очко» қоидаси қайсидир маънода келишилган ўйинларни вужудга келиши авж олмоқда» дея қайд этилган. Адашмадингиз, пастдаги фотода ҳам кўришингиз мумкин, айнан ВУЖУДГА КЕЛИШИ АВЖ ОЛМОҚДА, деб ёзилган.

«Бу ҳол клубларнинг келгуси фаолиятига таъсирини кўрсатиши ва чемпионат савиясига таъсир кўрсатиши аниқ», дейилмоқда хатнинг давомида.

«Шундан келиб чиқиб, Суперлига жадвали регламентда белгиланган пунктларига асосланиб жадвалўзгартирилиши, яъни «олтин очко» қоидасини олиб ташланиши борасида таклиф ва фикрларингизни 7 август соат 11:00 гача кечиктирмасдан ПФЛ электрон почтасига юборишингиз сўралади», дейилган хатда.

Биз таҳририятга келиб тушган хатнинг имловий ва услубий хатоларини сақлаб қолган ҳолда эълон қилмоқдамиз. Албатта, ўта саводсизларча ёзилган ушбу хат фейк бўлиб чиқиши ҳам мумкин. Расмий изоҳни ПФЛдан кутиб қоламиз.


Манба: www.tribuna.uz


InterFutbol.uz нинг Telegram даги саҳифасига уланинг – энг сўнгги янгиликлар, қизиқарли блоглар ва таҳлилий материаллар энди бир тўпламда.

Оммабоп мақолалар

Хабарингиз борми

Чемпионатлар

тўлиқ жадвал »

Кун фотоси

«ИНТЕРФУТБОЛ» газетасининг 25-сентябрдаги сешанба сони

  • ЎФФ ва ПФЛнинг янги раҳбарияти олиб бораётган ислоҳотларга қандай баҳо берасиз?


«ИнтерФУТБОЛ» газетасининг расмий сайти.
Гувоҳнома № 0149. Берилган санаси: 25.06.2008 Муассис: «ИНТЕРФУТБОЛМЕДИА» МЧЖ.
Бош муҳаррир: Аҳадхон АБДУҲАМИТОВ.
Таҳририят манзили: 160400, Косонсой шаҳри,Чорбоғ кўчаси, 17-уй.
Электрон манзил: info@interfutbol.uz