Яқинда «ПСЖ» ва Бразилия терма жамоаси ҳужумчиси Неймар реклама ролигида суратга тушди ва ўзига бўлган танқидларга жавоб берди.
Ярим дақиқалик видеода футболчи ЖЧ-2018да нималарни бошидан кечирганини айтиб берди. Ўзининг симуляцияларини у «майдондаги стандартлар» деб атади.
Кўпчилик экспертларнинг фикрича, Бразилия терма жамоаси ЖЧ-2018нинг фаворитларидан бири эди. Бундай фикрга борилишида жамоа таркибида Неймарнинг борлиги ҳам асос қилиб кўрсатилди. Чорак финалда Бельгиядан қабул қилинган мағлубият кўплаб эътирозларга сабаб бўлди. Воқеалар марказида эса «ПСЖ» ҳужумчиси қолди.
Бразилия терма жамоасининг бешта ўйинида Неймар икки бор рақиб дарвозасини аниқ нишонга олди. Бироқ у ўзининг симуляциялари билан эсда қолди. ОАВнинг ҳисоб-китобига кўра, футболчи майдонда ётган ҳолда деярли 14 дақиқа ўтказди.
Бундан нафақат мухлислар, балки футбол оламининг профессионаллари ҳам норози бўлишди. Хусусан, аргентиналик афсона Диего Марадона ҳужумчи майдонда қандай роль бажариши лозимлигини билиб олиши кераклигини айтди.
«Кимдир Неймарга бир қарорга келишини айтиши керак: у ҳамммани кулдирсин ёки йиғлатсин. Мексика терма жамоаси аъзоси унга урилиб кетганида, йиғлаб юборай дедим. Лекин ўша эпизоддан кейин Неймарнинг майдонда югуриб юрганини кўриб, кулгим қистади», - деди Марадона Marca нашрига берган интервьюсида.
Бразилия терма жамоасининг мундиалда ўтказган охирги ўйинига бир неча ҳафта бўлди. Лекин Неймарга нисбатан танқидлар ҳали тўхтагани йўқ. Натижада у барчасига жавоб беришга қарор қилди. Футболчи ўз ҳомийларидан бири билан видеоролик тайёрлади. Унда бразилиялик футболчи баъзи пайтларда ҳақиқатан ҳам симуляция ишлатганини тан олди.
«Шиплар билан зарба беришади. Белимдан итаришади. Оёқларини қўйиб олишади. Сиз реакциям ошириб юборилган, деб ўйлайсизми. Тўғри, баъзида шундай бўлади. Лекин аслини олганда, мен майдонда азобланаман. Нималарни бошдан кечиришимни хаёлингизга келтирмайсиз.
Сиз тез-тез йиқилишимга эътибор қаратасиз. Аслида эса мен йиқилмайман. Шунчаки, бўлакларга бўлиниб кетаман. Бу янги операция қилинган товонингизга зарба беришганидан ҳам оғриқли. Ичимда ҳамон ёш йигит яшайди. Уни майдонда эмас, ичимда сақлаб қолиш учун ҳаракат қиламан», - дейди Неймар.
Неймарга бўлаётган танқидлардан яна бири ОАВга нисбатан димоғдорлигидир. Одатда, у муваффақиятсиз ўйинлардан кейин интервью беришни истамайди. Ҳужумчида бу эътирозларга ҳам жавоб тайёр:
«Майдонни тарк этаётиб, матбуот вакилларига изоҳ бермаслигимнинг сабаби, фақат ғалабани яхши кўришимда эмас. Шунчаки, ҳали сизни ҳайрон қолдиришга ўрганмадим», - дейди у.
Ролик сўнгида бразилиялик футболчи ўзгаришга тайёрлигини айтди. Бунинг учун унга мухлисларнинг қўллаши кор келаркан. «Танқидларингизни қабул қилиш учун вақт керак бўлди. Шу вақт оралиғида ойнага қараб, ўзимни кўрдим ва янги инсонга айландим.
Сиз менга яна тошлар отишингиз мумкин. Балки ўша тошларни менга ёрдам бериш учун отарсиз. Чунки бутун мамлакат мен билан елкама-елка туради», - деди футболчи.
Бразилия телевидениеси орқали эфирга узатилган ролик Неймарнинг танқидларга берган биринчи жавоби бўлди. Олдинлари у симуляция борасидаги айбловларни инкор этиб келарди.
С.РАҲМОНОВ тайёрлади
Манба: www.interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20