Франция - Бельгия қарама-қаршилиги нафақат ярим финал, балки ҳал қилувчи баҳс учун ҳам ярашадиган афиша эди. Францияликлар сафида икки нафар футболчи турнир арафасида умуман эътибордан четда қолишганди.
Уларнинг бири - Бенжамен Павар керагича шов-шув кўтаришга улгурди: ёрқин ўйинлари ва Россия мундиалининг энг чиройли голи муаллифи сифатида кўпчиликни лол қолдирган йигит яқин ўтмишда фан-ҳудудда терма жамоага мухлислик қиларди.
ЭндиэсаЖЧ-2018нингэнгсарақанотҳимоячиларисафидаюриб, жаҳончемпионлигиниқўлгакиритди. Лекин биз назардан четда қолган иккинчи футболчи - Люка Эрнандес ҳақида ҳикоя қилмоқчимиз.
ИСПАНИЯДАН ВОЗ КЕЧДИ, ЛЕКИН...
Дарҳақиқат, бу йигитнинг футболчилик тарихи зиддиятларга бой: ўз қарорлари билан бир қатор совринлар ва Испания терма жамоаси таркибидан четда қолди. Аммо эвазига жаҳон футбол тожига сазовор бўлди. Фақат шоҳсупага кўтарилиш Люкани қаноатлатира оларди - шу тариқа у укасидан яхшироқ эканлигини исботлагандек бўлди.
АКА-УКАНИНГ АЖРАШИШИ
Эрнандеслар «Атлетико» академиясига бир вақтда, оталари «ҳиндулар» шарафини ҳимоя қилаётган даврда келишганди. Люка Теодан 1,5 ёшга каттароқ бўлсада, укасининг маҳорати юқорироқ баҳоланарди. «Алавес»даги муваффақиятли ижарадан сўнг, Тео «Атлетико» сафида бир марта ҳам майдонга тушмай, «Реал» таркибига ўтди.
Айтишларича, унинг тезкорлиги ва ҳужумчиларга самарали ёрдам бериши «Қироллик клуби» мутасаддиларини мафтун этган. Люка эса мавсум охирида «Атлетико» билан 2024 йилгача мўлжалланган янги шартномага имзо чекди. Ака-ука ўртасидаги тафовут сезиларли.
Тео ҳаракатчанлиги билан ажралиб турса, Люка ақлли ўйини ва универсаллиги билан эътиборни тортади. «Атлетико»да Люкадан гоҳ қанотда, гоҳ марказда фойдаланган бўлишса, «учранглилар» фақат қанотда ўйнатишди. Тео «Реал» билан ЕЧЛда ғолиб чиққан бўлса, Люка ЕЛда зафар қучди.
Августда ака-ука ўзаро баҳсда - Испания Суперкубогида куч синашадилар. Яқинда эса Мадрид аҳли 87 йил ичида илк бора ака-уканинг дербидаги тўқнашувига гувоҳ бўлди. Люка «Реал»нинг Ла Лигадаги омадсизлигини пеш қилиб, Теонинг жиғига тегди.
ТЕРМА ЖАМОА ТАНЛОВИ
Люка ҳам, Тео ҳам Франциянинг турли ёш тоифаларидаги ўсмирлар терма жамоаларида майдонга тушишган. Катталар ўртасида эса Люка омадлироқ чиқди. Тўғри, бу борада уларнинг иккисида ҳам иккиланишлар бўлди.
«Ҳозирча қайси жамоада ўйнаш хусусида бир қарорга келмадим», дейиш билан Люка 2016 йилда икки мамлакат раҳбариятига ўзини таклиф этгандек бўлганди. Якунда французлар уни ўз сафларига қўшиб олишди.
«Тео билан гаплашдим. У Франция шарафини ҳимоя қилиш орзусида» - бу гапларни эса Люка ЖЧ-2018га борадиган футболчилар рўйхати эълон қилинганидан кейин айтди. Теонинг Испания таркибидан ўрин олиши хусусида миш-мишлар жуда кўп. Катта Эрнандес Францияни танлаганидан афсусда эмас.
Мундиалнинг барча учрашувларида майдонга тушди, битта самарали узатма ва сариқ карточка олишга улгурди. Ўйин дақиқалари бўйича у терма жамоада учинчи ўринда борди. Яккакурашларнинг 41тасида ғолиб чиқиб, бу борада пешқадамлик қилди.
«Бизга қарши баҳсда Мессининг оёғига бир марта ҳам тўп тегмади. Шундай натижани Азарга қарши ўйинда ҳам амалга оширмоқчиман», - деганди Люка Бельгия термасига қарши баҳс арафасида.
МОЖАРО ВА СУД
Ёрқин фаолиятидан сал аввалроқ Люка янгиликлар дастури орқали дунёга машҳур бўлганди. 2017 йилнинг февралида футболчи маст ҳолда зўравонлик қилишда айбланиб, 7 ойга озодликдан маҳрум бўлиш хавфи остида қолганди.
Бироқ жабрланувчи сифатида эътироф этилган Люканинг дугонаси - Амелия Лоренте чақирган полиция ходими аёлнинг ўзини Люкага ҳужум қилганликда айблади. Суд Эрнандес ва Лорентега 6 ой муддат ичида алоҳида яшаш шартини қўйди. Бироқ жуфтлик тақиқни бузган ҳолда ёзги ҳордиққа йўл олди ва яна полицияда «меҳмон» бўлди.
РАМОС БИЛАН ТЎҚНАШУВЛАР
Тео Эрнандес «Реал»га йўл олди, акаси эса «Атлетико» билан тарихга кирмоқчи. Уйда ака-укалар жамоалар ўртасидаги муносабатларни муҳокама қилишмайди. Лекин бошқа усуллар билан ўзларининг зўрроқ эканликларини исботлашга уринишади.
Тўғри, Люкани «Реал»га боғлаб турадиган ришта ҳам йўқ эмас. Май ойидаги қарама-қаршиликни ягона жирканч лавҳа - Серхио Рамос тирсаги билан Люканинг юзига зарба бериши барбод қилганди. Ноябрда эса Эрнандес рақибининг юзига тепиб юборди. Оқибатда Рамоснинг бурни пачоқланиб, юзи қонга беланди.
ГРИЗМАНН БИЛАН ДЎСТЛИК
Лекин Люка ўз атрофига яхши кишиларни тўплаётганидан хулоса қилсак, уни ёмон дейишга тил айланмайди. Айниқса, ЖЧ пайтида у билан Гризманн доимо бирга бўлди. «Атлетико»да ҳам улар бир вақтда янги шартномаларини имзолашди.
Терма жамоага тегишли суратларда ҳам улар ёнма-ён. Ўйин нуқтаи назаридан олганда, Люканинг парвози шиддатли. Демак, у дўст танлашда янглишмаган. Гризманн ва Эрнандес жаҳон чемпионлигини ҳам биргаликда нишонлашди!
А.Аҳмедов тайёрлади
Манба: www.interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20