Осиё ўйинлари-2018 мусобақасининг футбол учрашувлари давом этмоқда.

Жумладан, ҳозиргина Ўзбекистон терма жамоаси Бангладеш олимпиячиларига қарши ўйинини якунлади ва 3:0 ҳисобида ғалабага эришди.

Учрашувнинг 23-дақиқасида Забиҳилло Ўринбоев ҳисобни очган бўлса, 57-дақиқада Достон Ҳамдамов ҳисобни 2:0 кўринишига олиб келди.

Икром Алибоев эса 66-дақиқада якуний ҳисобни ўрнатди.

ОСИЁ ЎЙИНЛАРИ-2018

1-ТУР

ЎЗБЕКИСТОН (U-23) - БАНГЛАДЕШ (U-23) - 3:0 (1:0)

Голлар: Забиҳилло Ўринбоев (23), Достон Ҳамдамов (57), Икром Алибоев (66).

Ўзбекистон: Ботирали Эргашев, Рустам Ашурматов, Акрам Комилов, Аббос Отахонов, Жалолиддин Машарипов, Одил Ҳамробеков, Забиҳилло Ўринбоев (Бобир Абдихолиқов, 70), Жавоҳир Сидиқов (Хуршид Ғиёсов, 79), Икром Алибоев, Достонбек Ҳамдамов (Азиз Турғунбоев, 65), Достонбек Турсунов.

Бангладеш: Рана Ашрафул Ислам, Миа Раҳмат, Буян Жамал, Бадша Тутул Ҳуссайн, Барман Топу, Раҳман Маҳбубур, Фаҳад Муҳаммат Атикур Раҳман, Уддин Саад, Зони Масум Миа, Гхош Бишванат, Бипло Бипло Аҳмед.