Британия матбуоти АПЛ клублари бош мураббийларининг қўл соатларини баҳолаб чиқди. Унга кўра «Манчестер Сити» бош мураббийи Хосеп Гвардиола энг қиммат соат эгаси ҳисобланаркан. У тақиб юрган Richard Mille RM 004 All Gray соатининг баҳоси 150 минг фунт стерлингга тенг. «Манчестер Юнайтед» устози Жозе Моуриньо эса 15909 фунт турадиган Hublot соатини тақади. «Тоттенхэм» бош мураббийи Маурисио Почеттино 7352 фунт стерлинг турадиган Aquatimer Chronograph соатига эга. «Челси»нинг янги устози Маурицио Сарри Panerai Luminor Power Reserve (6000 фунт) соатини тақса, «Кристал Пэлас» билан шартномасини узайтирган Рой Хожсонда 25200 фунт турадиган Hublot Big Bang Gold Ceramic бор. Юрген Клопп («Ливерпуль») ҳам Aquatimer Chronograph тақади. Фақат унинг баҳоси 5500 фунт. Эдди Хау («Борнмут») эса 329 фунт турадиган Apple Watch ишлатади. Барча мутахассислар орасида «Хаддерсфилд» устози Дэвид Вагнер ажралиб турибди. Унинг Casio G-Shock Alarm Chronograph Watch соати атиги 100 фунт стерлингга баҳоланди.