Замонавий футболда клуб ҳомийларининг логотипи ўйинчилар либосида акс этишига кўникиб қолганмиз. Улар орасида дунёга донғи кетган компаниялардан тортиб, хайрия ташкилотларининг номи ҳам бўлган.
Football.ua миллионлар ўйинида кузатилган ғайриоддий ҳомийлар ҳақида сўз юритади.
MOGWAI (Авлиё Рох мактаби жамоаси)
Шотландиянинг рок-гуруҳи 1997 йили «Ёш жамоа» номли альбомини чиқариб, шуҳрат қозонганди. Бу йигитлар 20 йилдан сўнг футбол мактаби жамоасига ҳомийлик қилишларини хаёлларига ҳам келтирмаган бўлсалар керак. Ушбу жамоада заиф эшитувчилар тўп суришади.
ANGRY BIRDS («Эвертон»)
Ростини айтинг, АПЛ жамоаларидан бирининг машҳур компьютер ва смартфон ўйини билан ҳамкорлик ўрнатиши ҳақида хабар юзингизга табассум югуртирмаганми?
FLAMINGO LAND («Халл Сити»)
«Халл Сити» футболчиларининг либосида Flamingo Land ҳайвонот боғининг логотипи акс этганди. Дарвоқе, кўплаб жониворлар яшайдиган муассасанинг номи бироз ғалати туюлиши аниқ.
«Йўлбарслар» ишқибозлари эса бу ҳомийни оддий қабул қилишди, чунки жамоа раҳбари ким эканлигини яхши билишарди. Боз устига, жамоанинг асосий либоси ранги пушти бўлмагани, футболчиларнинг эса бир оёқда тўп сурмаслиги ҳам уларни қувонтирди.
BURGER KING («Хетафе»)
Бу ерда ҳомийдан кўра, рекламани либосга жойлаштириш ҳолати қизиқроқ. «Бургер Кинг»нинг ўз рамзи бор - компания логотипи муҳрланган қалпоқ кийган соқолли одам - унинг сурати футболканинг ички қисмига жойланган.
Шу тариқа футболчи гол ургач, уни нишонлаш чоғида либосини кўтарса, барчага логотип яққол кўринади. «Хетафе» ушбу ҳомий билан ҳамкорлик қилган мавсумда 58та гол уриб, чемпионатда 6-ўринни эгаллаганди.
AZERBAIJAN («Атлетико» Мадрид, «Шеффилд Уэнсдей»)
Рости, футбол клубига бутун бошли мамлакат ҳомийлик қилиши бироз ғалати туюлади. Шунга ўхшаш ҳолат «Шеффилд Юнайтед»да ҳам кузатилиб, жамоа либосида posetitemaltu.com сайтининг номи туширилганди.
CHUPA CHUPS («Шеффилд Уэнсдей»)
Azerbaijan - «бойўғлилар» ҳамкорлик қилган ноодатий ҳомийлардан биттаси холос. Ҳамма клублар ҳам машҳур рассом томонидан чизилган логотипни ўз футболкасига муҳрлагани билан мақтана олмайди.
Сальвадор Дали - Chupa Chups логотипи муаллифи ҳисобланади. Бу ширинлик рамзини эса бир вақтлари «Шеффилд Уэнсдей» либосида кўриш мумкин эди.
COLUMBIA PICTURES («Атлетико» Мадрид)
Яна «матрасчилар» ҳақида. 2003 йили бу клуб Американинг Columbia Pictures киностудияси билан шартнома тузгач, «Атлетико» футболчиларининг либосида ҳар гал логотип ўзгариб турди - ҳар сафар студия ишлаган янги фильм рекламаси тасвирланганди.
«ЧЕКИШГА ҚАРШИ» («Вест Бромвич»)
Тарихдан маълумки, айрим футбол юлдузлари тамаки истеъмол қилишган: Йохан Кройф, Диего Марадона, Пол Гаскойн ва албатта, Федерико Македа. Аммо уларнинг ҳеч бири «Вест Бромвич»да ўйнамаган.
80-йиллар ўрталарида «ВБА» раҳбариятига Вест-Мидлендс соғлиқни сақлаш ташкилоти йирик сумма таклиф қилиб, футболчилар либосида «ЧЕКИШГА ҚАРШИ» логотипини муҳрлаш талаби билан чиқди.
WET WET WET («Клайдбанк»)
Юқорида Mogwai рок-гуруҳи ҳақида гапиргандик. Гап шундаки, улар футбол клубига ҳомийлик қилган дастлабки мусиқий гуруҳ эмас экан. Super Furry Animals Уэльс кубоги учрашувларида «Кардифф» ҳомийси бўлган. Афсонавий Гордон Бэнкснинг жияни Ник эса Pulp деб номланувчи гуруҳи билан қизининг жамоасига ҳомийлик қилган.
Motorhead логотипи эса 10 йил давомида Greenbank жамоаси либосида тасвирланган. Бу борада илк ташаббус эса Wet Wet Wet гуруҳи рокерларидан чиққан. Улар қадрдон шаҳарлари - Клайдбанкда фаолият юритувчи клуб футболкаларига ўз гуруҳлари номини муҳрлашган.
POOH JEANS («Милан»)
Миланликларнинг либосидаги ном асосан Англиядагилар учун ғалати туюлганди, чунки инглизчада «Pooh» - «Тьфу» («тупуриш»)га яқин маънони билдиради.
Бошқа бир қизиқ ҳолат Италияда кузатилиб, ўшанда у ерда Лондоннинг «Арсенал» клуби либослари сотувида пасайиш кузатилганди. Сабаб - «канонирлар»га Sega ҳомийлик қилган. Итальянларда эса ножоиз ишлардан бири худди шундай номланган экан.
HAFNIA («Эвертон»)
Яна бир бор «Эвертон»га тўхталамиз. 80-йилларда бу клуб либосида Даниянинг Hafnia компанияси логотипи тасвирланганди. Эътиборлиси, ушбу муассаса ишлаб чиқарадиган маҳсулотлар (асосан гўшт) Буюк Британияда сотилмасди.
Боз устига, ўша кезлари «Эвертон» сафида данияликлар тўп суришмасди. Мазкур ҳамкорликни ўрнатишга нима сабаб бўлган? Тушунарсиз.
Абдуллохон ИСРОИЛХОНОВ тайёрлади
Манба: www.interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20