Ўзбекистон миллий жамоаси бугун Эрон термасига қарши майдонга тушади. «Миллий» аренасида бўладиган ўйин чипталари 8 сентябрь куни сотувга чиқарилганди. Улар уч тоифада ва нархи - 20, 25 ҳамда 50 минг сўм. Ўйин соат 20:00да бошланади.
Рақиб - Эрон термаси якшанба куни чартер рейс билан Тошкентга келди ва «Интерконтинентал» меҳмонхонасига жойлашди. Карлуш Кейруш жами 25 нафар футболчини жалб этган.
ЭРОН ТЕРМАСИ ТАРКИБИ
Дарвозабонлар: Алиризо Бейранванд, Амир Обидзода, Ҳусайн Ҳусайни
Ҳимоячилар: Рамин Резоиян, Рузбеҳ Чешми, Мажид Ҳусайни, Муртазо Пуралиганжи, Пежман Мунтазори, Милад Муҳаммади, Содиқ Муҳаррами, Вурия Ғофури, Армин Суҳробиан
Ярим ҳимоячилар: Саид Иззатуллоҳи, Омид Иброҳими, Ашкан Дежага, Саман Годдос, Меҳди Тароби, Масъуд Шожаи, Воҳид Амири, Али Карими, Эҳсон Ҳожисафи
Ҳужумчилар: Алиризо Жаҳонбахш, Али Гулизода, Меҳди Тареми, Карим Ансорифард
ЭРОН ТЕРМА ЖАМОАСИ
Лақаблари: «Форс леопардлари», «Форс шаҳзодалари»
Бош мураббий: Карлуш Кейруш (Португалия)
Энг кўп ўйин ўтказган футболчи: Жавод Некунам (151та)
Энг кўп гол урган футболчи: Али Даи (109та)
Уй стадиони: «Озоди» (сиғими - 100000 томошабин)
Биринчи учрашуви: Афғонистон - 0:0 (Қобул, Афғонистон; 1941 йил 25 август)
Энг йирик ғалабаси: Гуам - 19:0 (Табриз, Эрон; 2000 йил 24 ноябрь)
Энг йирик мағлубиятлари: Туркия - 1:6 (Истанбул, Туркия; 1950 йил 28 май), Жанубий Корея - 0:5 (Токио, Япония; 1958 йил 28 май)
Жаҳон чемпионатидаги иштироки (5 марта): 1978, 1998 2006, 2014, 2018
Осиё кубогидаги иштироки (13 марта): 1968 йилдан буён узлуксиз.
Асосий ютуғи: Осиёнинг 3 карра чемпиони
Эрон миллий термаси Осиёнинг энг кучли жамоаларидан биридир. Форслар хусусан, Ўзбекистон термаси учун ноқулай рақиблардан ҳисобланишади. 2011 йилнинг 4 апрель куни Эрон футбол федерацияси португалиялик Карлуш Кейруш билан 2,5 йиллик шартнома имзогач, жамоада янги давр бошланди.
Форслар Кейруш қўл остидаги дастлабки учрашувда Мальдив ороллари термасини 4:0 ҳисобида енгишди. Португалиялик мутахассис ўша йили таркибга Германия ёшлар термасида ўйнаган Ашкан Дежагани таклиф этди. ЖЧ-2014 саралашининг дастлабки босқичларида муаммо сезишмаган эронликлар охирги раундга йўл олишгач, Кейруш яна бир форс йигити - Ризо Гужаннажодни ҳам асл ватани жамоасига чорлади.
Эсласангиз, Эрон термаси ҳал қилувчи раунднинг 1-турида айнан Тошкентга келган ва сўнгги дақиқада урилган гол эвазига ортга 3 очко билан қайтганди. Кейинчалик форслар жами 16 очко тўплаган ҳолда, Бразилия мундиали финал босқичига тўғридан-тўғри йўл олишди. Эътиборлиси, Эрон термаси Карлуш Кейруш бошқарувида ЖЧга чиққан учинчи жамоадир.
Мана, Кейруш эронликларни кетма-кет иккинчи марта мундиалга етаклаб, форс футболи тарихига кирди. Муҳими, унинг жамоаси Россияда Марокаш, Испания ва Португалия термаларига қарши баҳс олиб бориб, ёмон таассурот қолдирмади.
Дарвоқе, Ўзбекистон - Эрон учрашувини қирғизистонлик ҳакамлар бошқариб боришади. Бош ҳакам - Дмитрий Машенцевга қанотларда ҳамюртлари - Баҳодир Қўчқоров ва Исмоил Толибжонов ёрдам беришади.
Манба: www.interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20